ەلباسى وبلىس اكىمدەرىنىڭ اۋىس-تۇيىسىنە قاتىستى پىكىر ءبىلدىردى

استانا. قازاقپارات - وتاندىق تەلەارنالاردان كورسەتىلگەن رەسپۋبليكالىق ب ا ق وكىلدەرىنە سۇحباتى بارىسىندا ق ر پرەزيدەنتى نۇرسۇلتان نازاربايەۆ ءبىرقاتار وبلىس اكىمدەرىن اۋىستىرۋ سەبەبىن ايتتى، دەپ حابارلايدى قازاقپارات.

«ماڭعىستاۋدىڭ اكىمىنىڭ ءوزى ءمينيستردىڭ ءبىرىنشى ورىنباسارى بولۋعا سۇراندى. كۋلاگين دە ءوزى زەينەتكەرلىككە جاسىم كەلدى، بارلىق جەردە جۇمىس ىستەدىم، راحمەت دەپ سۇرانعان سوڭ رۇقساتىمدى بەردىم. قاراعاندىنىڭ اكىمى ابدىبەكوۆ ومىردەن وزعان قوزىكورپەشتىڭ (ەسەپ كوميتەتىنىڭ ءتوراعاسى جاڭبىرشين) ورنىنا كەلدى. ول جاققا قاراعاندىنىڭ تۋماسى، تاجىريبەلى جىگىت قوشانوۆتى اپارىپ قويدىق. ءبارى دە جۇمىس ىستەيدى دەپ ويلايمىز»، - دەدى ەلباسى.

ق ر پرەزيدەنتى ۇكىمەت مۇشەلەرى 1972, 1973-جىلى دۇنيەگە كەلگەن ازاماتتار ەكەندىگىن اتاپ ءوتتى. «تەپسە تەمىر ۇزەتىن، جۇمىس ىستەيتىن كەزدەرى. ەلگە جاقسىلىق جاسايدى دەپ قويدىق. سوندىقتان سەنىپ، قىزمەتكە قويىپ، تاربيەلەپ، بىرنەشە جىل سوعان كۇشىڭدى سالىپ، اقىلىڭدى ايتىپ جۇرگەندە، ولاردىڭ جەمقورلىققا جانە باسقا دا كۇماندى ىستەرگە قاتىستى بولىپ شىققاندا قاتتى رەنجيمىن. بۇل مەنىڭ كوڭىلىمە قاياۋ تۇسىرەدى»، - دەدى مەملەكەت باسشىسى.

اۆتور: مارلان جيەمباي