مەملەكەت باسشىسى : مەنىڭ ە ا ە و- عا دەگەن كوزقاراسىم وزگەرگەن جوق

استانا. قازاقپارات - قازاقستان پرەزيدەنتى نۇرسۇلتان نازاربايەۆ وتاندىق تەلەارنالارعا بەرگەن سۇحباتىندا بەلگىلى ءبىر قيىندىقتارعا قاراماستان، ەۋرازيالىق ەكونوميكالىق وداقتىڭ بولاشاعىنا ۇلكەن ۇمىتپەن قارايتىنىن ايتتى، دەپ حابارلايدى قازاقپارات.

ق ر پرەزيدەنتىنىڭ ايتۋىنشا، كورشىلەس مەملەكەتتەردە ءتۇرلى سۇراقتاردىڭ تۋىنداۋى زاڭدى. دەگەنمەن ونى بىرلەسىپ شەشۋ قاجەت. «قازىر داعدارىس، ساۋدا كولەمى تومەندەدى. وسىنىڭ بارلىعى سۇراقتار تۋدىرادى، «وسى بىزگە كەرەك پە ەدى؟» دەگەن. وداق كەرەك، سەبەبى قازىر ءبىزدىڭ مەملەكەتتەر اراسىندا كەدەندىك شەكارا جوق. ادامدار، تاۋارلار، قاراجات ەركىن الماسا بەرەدى. قازاقستاندىقتار رەسەيدە كاسىپورىن اشا الادى، رەسەيلىكتەر قازاقستاندا، بەلارۋستا، قىرعىزستاندا، تاعى سول سياقتى»، - دەدى ەلباسى.

نۇرسۇلتان نازاربايەۆتىڭ سوزىنشە، ەركىن قوزعالىس - بۇل ۇلكەن يگىلىك. بۇل - مەملەكەتتەردىڭ دامۋى، ەكونوميكالاردىڭ وركەندەۋى. «مەن اۋقىمدى ءارى تەرەڭ قاراۋعا تىرىسامىن. بارلىق قيىندىقتار، قازىر بىزدە بار، ونەركاسىپتىك داعدارىس، تاۋار باعالارىنىڭ قىمباتتاۋى، بۇلاردىڭ بارلىعى ءبىر كۇنى وتەدى، سايابىرسيدى، ورنىنا كەلەدى. سول كەزدە ءبىز ارى قاراي كەڭەيە بەرەمىز. ەگەر ەۋرازيالىق ەكونوميكالىق وداق جاقسى جۇمىس ىستەپ كەتسە، ەۋروپالىق وداق تا بىزبەن ارىپتەستىك ورناتۋعا قىزىعۋشىلىق تانىتاتىنىنا سەنىمدىمىن»، - دەدى ول.

پرەزيدەنتتىڭ مالىمەتتەرى بويىنشا، 40 قا تارتا مەملەكەت ە ا ە و- تىڭ باقىلاۋشىسى بولعىسى كەلەدى. «نەگە؟ سەبەبى بۇل - 180 ميلليوندىق نارىق. مۇنداي نارىق بارلىعىنا قاجەت. ەۋروپالىق وداقتا دا قيىندىقتار بار. قايشىلىقتار بولماسا، انگليا ودان شىقپاس ەدى. ەۋرازيالىق ەكونوميكالىق وداقتىڭ جالپى باعىتى دۇرىس، ءبىراق توقتاپ قالماي، ونىڭ نەگىزىن نىعايتۋدى جالعاستىرا بەرۋىمىز كەرەك»، - دەپ ءتۇيدى ويىن مەملەكەت باسشىسى.

اۆتور: جاسۇلان جولدىبايەۆ