18:26, 17 - ناۋرىز 2017 | GMT +5
ەلباسىنىڭ سۇحباتى وتاندىق تەلەارنالاردان كورسەتىلەدى
استانا. قازاقپارات - بۇگىن 21:30-دا وتاندىق تەلەارنالاردان قازاقستان پرەزيدەنتى نۇرسۇلتان نازاربايەۆتىڭ سۇحباتىنىڭ تولىق نۇسقاسى كورسەتىلەدى.
بۇل تۋرالى اقوردانىڭ تۆيتتەردەگى پاراقشاسىندا حابارلاندى. بۇعان دەيىن حابارلاعانىمىزداي، ەلباسى وتاندىق جانە حالىقارالىق ب ا ق وكىلدەرىمەن كەزدەسۋ وتكىزدى.
جيىنعا قاتىسۋشىلار «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋدى ىسكە اسىرۋ اياسىندا ەل ەكونوميكاسىن ترانسفورماتسيالاۋ ۇدەرىسىنىڭ ءبىرقاتار اسپەكتىلەرىن، سىبايلاس جەمقورلىققا قارسى كۇرەس ماسەلەلەرىن، قازىرگى ساياسي جاڭعىرۋ كەزەڭىنىڭ ەرەكشەلىكتەرىن، بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قازاقستاننىڭ سىرتقى ساياسي باسىمدىقتارىن، سونداي- اق باسقا دا ماڭىزدى جايتتاردى تالقىلادى. كەزدەسۋگە «قازاقستان»، «حابار»، «مير» تەلەارنالارىنىڭ، «ايقىن» گازەتىنىڭ، «قازاقپارات» اقپارات اگەنتتىگىنىڭ جۋرناليستەرى قاتىستى.
