رەسەي ا ق ش- تىڭ قاۋىپسىزدىك قىزمەتىنىڭ تاققان ايىبىن جوققا شىعاردى
ال الەكسەي بەلان مەن كاريم باراتوۆتى حاكەر رەتىندە سولارعا جۇمىس ىستەدى دەپ كۇدىككە العان.
Yahoo جەلىسىندەگى جۇزدەگەن ميلليون اككاۋنتتى بۇزعان حاكەرلەر جەلى قولدانۋشىلارىنىڭ جەكە باس دەرەكتەرىن، ەلەكتروندى حاتتارىن، تەلەفون نومىرلەرى مەن قۇپيا سوزدەرىن ۇرلاعان.
دوكۋچايەۆتىڭ ءوزى ا ق ش- تىڭ پايداسى ءۇشىن رەسەيگە ساتقىندىق جاسادى دەپ ايىپ تاعىلىپ، وتكەن جىلدىڭ جەلتوقسانىنان بەرى تۇتقىندا وتىر. ونىمەن بىرگە فقق- نىڭ اقپاراتتىق قاۋىپسىزدىك ورتالىعىنىڭ ءبولىم باسشىسى سەرگەي ميحايلوۆ پەن توپ- مەنەدجەر رۋسلان ستويانوۆ تا تۇتقىندالعان.
راستاملاعان اقپارات بويىنشا ولار رەسەيلىك شەنەۋنىكتەردىڭ اككاۋنتتارىن بۇزۋمەن اينالىسقان توپتىڭ مۇشەلەرى بولۋى مۇمكىن.
ال ا ق ش- تىڭ جوعارىداعى ايىپتاماسىنا جاۋاپ بەرگەن كرەمل بۇل جايتتان ەشقانداي حابارى جوق ەكەنىن مالىمدەدى.
رەسەي پرەزيدەنتىنىڭ باسپا ءسوز حاتشىسى دميتريي پەسكوۆ: «ءبىز بۇل جاعداي تۋرالى ب ا ق- تان بىلدىك. رەسمي مالىمەت جەتكەن جوق. رەسەي كيبەرقاۋىپسىزدىكتى قامتاماسىز ەتۋ ءۇشىن ۇنەمى كۇش سالىپ كەلەدى جانە بۇعان ءاردايىم مۇددەلى. بۇل قازىرگى ۋاقىتتا نەگىزگى مىندەتتىڭ ءبىرى» - دەدى.
دەرەككوز: BBC
