رەسەيلىك ينۆەستور اقمولادا استىق تەرمينالىن سالعىسى كەلەدى

كوكشەتاۋ. قازاقپارات- اقمولا وبلىسىنىڭ اكىمى مالىك مىرزالين اۋىل شارۋاشىلىعى تەحنيكالارىن ساتۋمەن اينالىساتىن رەسەيلىك «سكاي» كومپانياسىنىڭ باسشىلارىمەن كەزدەستى، دەپ حابارلايدى «قازاقپارات» ح ا ا ءتىلشىسى اكىمدىكتىڭ باسپا ءسوز قىزمەتىنە سىلتەمە جاساپ.

كەزدەسۋدە ايماق باسشىسى اگرارلى ءوڭىردىڭ ەلىمىزدەگى استىقتىڭ تورتتەن ءبىرىن وندىرەتىنىن اتاپ ءوتتى.

وبلىس جىل سايىن الەمدىك نارىقتا جوعارى باعالاناتىن استىقتىڭ 2 ميلليون تونناسىن الىس-جاقىن 32 مەملەكەتكە ەكسپورتتايدى.

«جاقىندا وڭىرگە جۇمىس ساپارىمەن كەلگەن ەلباسى نۇرسۇلتان نازاربايەۆ ءوڭىردىڭ اۋىل شارۋاشىلىعى - سەكتورىن ودان ءارى دامىتۋعا قاتىستى ءبىرقاتار مىندەتتەر جۇكتەگەن بولاتىن. وسى ورايدا، استانالىق وبلىستىڭ الەۋەتى زور، سالاعا ينۆەستيتسيا تارتىپ، ارىپتەستىك ورناتۋعا دايىن»، دەدى مىرزالين.

ءوز كەزەگىندە رەسەيلىك كومپانيا «سكاي» ا ا ق باسشىسى ميحايل ۆاسەنكيەۆيچ استىق ەكسپورتتاۋ بويىنشا يران جانە جەرورتا تەڭىزى اۋماعىنداعى 15 مەملەكەتپەن ارىپتەستىكتە جۇمىس ىستەيتىندىكتەرىن اتاپ ءوتتى.

وعان قوسا ءداندى داقىلداردى ءوسىرۋ، اۋىل شارۋاشىلىعى تاۋارلارىن وندىرۋشىلەردەن 500 مىڭ توننادان 1 ميلليون تونناعا دەيىن استىق ساتىپ الىپ، تەرەڭ وڭدەيتىن تەرمينال سالۋ ءۇشىن ينۆەستيتسيا قۇيۋعا ءازىر ەكەنىن جەتكىزدى.

«بىزگە ەڭ باستىسى استىقتىڭ ساپالى، ەكولوگيالىق جاعىنان تازا بولعانى دۇرىس. سىزدەردىڭ وبلىستارىڭىزدا وسىرىلەتىن استىقتىڭ ساپاسى وتە جاقسى»، - دەدى م. ۆاسەنكيەۆيچ.

كەزدەسۋ سوڭىندا تاراپتار ەت جانە ءسۇت ونىمدەرىن وڭدەۋ بويىنشا جوبانى جۇزەگە اسىرۋ ماسەلەسىن تالقىلادى.

اۆتور: اسلان وسپانوۆ