جاياۋ جۇرگىنشىلەر جولىندا مىسىقتى قاعىپ كەتكەن تۇرعىنعا ايىپپۇل سالىندى
بۇل تۋرالى بۇگىن ر ي ا نوۆوستي اگەنتتىگى حابارلادى. جەرگىلىكتى تۇرعىن سارسەنبى كۇنى تاڭ اتا جول تالعامايتىن كولىكپەن كەلە جاتىپ، جاياۋ جۇرگىنشىلەرگە ارنالعان جولدان ءوتىپ بارا جاتقان مىسىقتى قاعىپ كەتتى.
جاقىن ايماقتا ورنالاستىرىلعان بەينەباقىلاۋ كامەراسىنان جۇرگىزۋشىنىڭ جاياۋ جۇرگىنشىلەر جولىنا جاقىنداعاندا جىلدامدىقتى ازايتقانىمەن مىسىقتىڭ ءوتىپ كەتۋىنە مۇمكىندىك بەرۋ ءۇشىن توقتاماعانى بايقالىپ تۇر.
شالاجانسار جاتقان مىسىقتى پوليتسيا قىزمەتكەرلەرى كورگەن. الايدا، ولار جانۋاردىڭ ءومىرىن ساقتاپ قالا المادى. ءتارتىپ ساقشىلارى وسى وقيعانىڭ كۋاگەرىن تىڭداعان سوڭ بەينەكامەراداعى ماتەريالداردى الىپ، ودان كولىكتىڭ ءنومىرىن ايقىندايدى.
سول بەينەكورىنىس بويىنشا جۇرگىزۋشى تابىلدى جانە وعان مىسىقتى قاعىپ كەتىپ، سونىمەن قاتار وعان كومەك كورسەتپەگەنى ءۇشىن 413، سونداي-اق وقيعانىڭ جاياۋ جۇرگىنشىلەرگە ارنالعان جولاق جولدىڭ جانىندا بولۋىنا بايلانىتى 41 ەۋرو ايىپپۇل سالىندى.
