14:35, 16 - ناۋرىز 2017 | GMT +5
كىشكەنتاي قىتايلىق بالاقاي ۋلى جىلاندى ۋىسىنان شىعارماي وينادى - ۆيدەو
استانا. قازاقپارات - فەيسبۋك الەۋمەتتىك جەلىسىندە جىلاندى ۋىسىنان شىعارماي ويناۋعا ارەكەتتەنگەن قىتايلىق بالانىڭ ۆيدەوسى تانىمالدىلىق جيناپ جاتىر.
روليكتى الەۋمەتتىك جەلىدە ءقازىردىڭ وزىندە 7 ميلليوننان استام ادام تاماشالاپ ۇلگەرىپتى.
ۋلى جاندىكپەن ارپالىسۋدان تارتىنباي، كەرىسىنشە وعان جاقىنداي بەرگەن بالا ونىمەن ويناعان سايىن كوڭىلدەنە تۇسكەن. ول جىلاندى قولىمەن قىسىپ ۇستاپ، ءارى- بەرى تارتقىلايدى.
ەندى بىردە باۋىرىمەن جورعالاۋشىنىڭ ءوزى بالانىڭ قويىن- قونىشىنا ەركىن كىرىپ كەتكەن. جىلان بالادان قانشا قاشىپ كەتۋگە ارەكەتتەنگەنىمەن، كىشكەنتاي بالاقاي قىر-سوڭىنان قالماستان بوساتپاي قويعان.
جەلى قولدانۋشىلارى بالانىڭ ەرجۇرەكتىگىنە قايران قالىستى. ەندى ءبىرى جاندىكتىڭ بۇل ۋلى ءتۇرى بولماۋى مۇمكىن دەگەن پىكىردى العا تارتىپتى.
