بەلگىسىز بىرەۋ قارجى مينيسترلىگىنە جارىلعىش زات سالىنعان قاپشىق جىبەرگەن
جارىلىس قاۋپى سالدارىنان مينيسترلىك قىزمەتكەرلەرى ەۆاكۋاتسيالاندى، دەپ حابارلايدى Bild باسىلىمى.
كۇدىكتى قاپشىقتى جەرگىلىكتى ۋاقىتپەن ساعات 10:00 دە ۆەدومستۆو باسشىسى ۆولفگانگ شويبلەنىڭ اتىنا اكەلگەن.
قارجى مينيسترلىگى قىزمەتكەرلەرىنىڭ قاۋىپسىزدىگىن قامتاماسىز ەتۋ ماقساتىندا ولار بىرنەشە ساعاتقا عيماراتتان شىعارىلدى.
قاپشىقتى تەكسەرۋ بارىسىندا انىقتالعانداي، ونىڭ ىشىندە وتشاشۋلار مەن باسقا دا پيروتەحنيكالىق قۇرالداردا پايدالانىلاتىن جارىلعىش زاتتار بار بولىپ شىقتى.
كەيىنىرەك ماماندار جارىلعىش قاپشىقتى زالالسىزداندىردى. بۇرىن، 11- ناۋرىز كۇنى گەرمانيا پوليتسياسى ەلدىڭ باتىسىندا ورنالاسقان ەسسەن قالاسىنداعى ساۋدا ورتالىعىندا لاڭكەستىك شابۋىلدىڭ الدىن العانىن حابارلاعان ەدى.
قۇقىق قورعاۋ ورگاندارىنىڭ اقپاراتى بويىنشا، «يسلام مەملەكەتىنىڭ» جاقتاستارى قوعامدىق ورىندا جارىلىس جاساۋدى جوسپارلاعان. ەكى كۇدىكتى لاڭكەستىك شابۋىل دايىنداعانى ءۇشىن تۇتقىندالعان.
