قازاقستانداعى يۋدەي قاۋىمى قىزمەتىنىڭ ماسەلەلەرى تالقىلاندى

استانا. قازاقپارات - ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ قازاقستاننىڭ باس ءراۆۆينى ەشايا كوگەنمەن كەزدەستى، دەپ حابارلادى قازاقپاراتقا مينيسترلىكتىڭ باسپا ءسوز قىزمەتىنەن.

ۆەدومستۆو باسشىسى جانە باس راۆۆين مەملەكەتتىك-كونفەسسيالىق قاتىناستار سالاسىنداعى اۋقىمدى ماسەلەلەردى جانە قازاقستانداعى يۋدەي قاۋىمى قىزمەتىنىڭ ءبىرقاتار ماسەلەلەرىن كەڭىنەن تالقىلادى.

اڭگىمەلەسۋ بارىسىندا تاراپتار مەملەكەت باسشىسى ن. ءا. نازاربايەۆتىڭ ەلىمىزدەگى كونفەسسياارالىق ديالوگتى نىعايتۋعا جانە حالىقارالىق دارەجەدە ەتنوسارالىق جانە كونفەسسياارالىق كەلىسىمنىڭ قازاقستاندىق ۇلگىسىن قالىپتاستىرۋداعى ەرەكشە ءرولىن اتاپ ءوتتى.

ءوز كەزەگىندە، قازاقستاننىڭ باس ءراۆۆينى يەۆرەي قاۋىمى مەملەكەتپەن سىندارلى سۇحبات قۇرۋعا دايىن ەكەندىگىن جەتكىزدى.