قازاقستاندا العاش رەت يمامدار حالىق الدىندا ەسەپ بەرە باستادى

شىمكەنت. قازاقپارات - ەلىمىزدە العاش رەت يمامدار حالىق الدىندا ەسەپ بەرۋدە. پيلوتتىق جوبانى العاش بولىپ وڭتۇستىك قازاقستان وبلىسىنىڭ ءدىن قىزمەتكەرلەرى جۇزەگە اسىردى.

ءوڭىردىڭ باس يمامى احمەتجان قاجى كەرىمبەك ءبىر ايعا جۋىق ۋاقىت ارالىعىندا قالا، اۋدان تۇرعىندارىمەن كەزدەسىپ، ولاردىڭ سان ءتۇرلى ساۋالدارىنا جاۋاپ بەردى، دەپ حابارلايدى قازاقپارات ح ا ا ءتىلشىسى.

وبلىستىڭ 9 قالا، اۋدانىن ارالاپ شىققان ءدىن قىزمەتكەرى حالىقتىڭ كوكەيىندە جۇرگەن ءبىرقاتار پروبلەمالارمەن تانىسقان. بۇل تۋرالى باس يمام ءدىن سالاسى وكىلدەرىنىڭ باسىن قوسقان القالى جيىندا ءسوز ەتتى.

احمەتجان قاجى كەرىمبەك ءوزى ەسەپ بەرىپ بولعان سوڭ، وسىنداي شارالاردى قالا، اۋدان يمامدارى دا وتكىزەتىنىن مالىمدەدى. جىل سوڭىنا دەيىن اۋىل يمامدارىنىڭ ەسەبىن تىڭداۋ جوسپارلانىپ قويعان.

وسىلايشا، ءدىني كوزقاراس ماسەلەلەرىن حالىقپەن بىرلەسىپ شەشۋگە تىرىسۋدا. ايتا كەتەيىك، ىلكى جوبانى قولداعان قازاقستان مۇسىلماندارى ءدىني باسقارماسى ەندى بارلىق وڭىرلەردە يمامداردىڭ ەسەپ بەرۋىن ەنگىزبەك.

اۆتور: اينۇر اقبايەۆا