قازاقستاندا تۇراتىن شەتەلدىكتەر مىندەتتى الەۋمەتتىك مەديتسينالىق ساقتاندىرۋدىڭ كومەگىنە جۇگىنە الادى
بۇل تۋرالى ماجىلىستە دەنساۋلىق ساقتاۋ ءمينيسترى مالىمدەدى. ەلجان ءبىرتانوۆ كوپتەن تالقىعا تۇسكەن زاڭ جوباسىنىڭ تۇزەتۋ ەنگىزىلەتىن كودەكستەرىن دەپۋتاتتارعا تانىستىردى. مەملەكەتتىك كومەكتىڭ قولجەتىمىدىلىگىن قامتاماسىز ەتۋ ماقساتىندا ساقتاندىرۋ قورىنا مەملەكەت جارنا تولەيتىن ازاماتتار اۋقىمى كەڭەيەدى. تىزىمگە مۇگەدەك بالالاردىڭ كۇتۋشىلەرى جۇمىسسىز ورالماندار مەن شەتەلدىكتەر كىرەدى.
سونىمەن قاتار جاڭا زاڭ جوباسى بويىنشا اسكەريلەرگە قۇقىق قورعاۋ ورگاندارى مەن اسكەري- مەديتسينالىق مەكەمەلەردە مەملەكەت ەسەبىنەن كومەك كورسەتۋ قاراستىرىلعان.
ءمينيستردىڭ ايتۋىنشا، الەمدەگى ەكونوميكالىق اۋمالى- توكپەلى احۋالدىڭ تۇراقسىزدىعىن ەسكەرە وتىرىپ، جۇمىس بەرۋشىلەر مەن كاسىپكەرلەردىڭ جارنا ۇلەسى كەمىتىلەدى.
ەلجان ءبىرتانوۆ، ق ر دەنساۋلىق ساقتاۋ ءمينيسترى:
- بۇل زاڭ جوباسى بۇكىل قاجەتتى سىرتقى قۇقىقتىق ساراپتامادان ءوتتى. جالپى باسقا دا عىلىمي جانە زەرتتەۋ ينستيتۋتتارىمەن قارالدى. ۇ ك پ، قوعامدىق كەڭەستەن بارىنەن ءوتتى.
قازىرگى قولدانىستاعى زاڭ بويىنشا مەملەكەت 12 ساناتتاعى ازاماتتاردىڭ جارناسىن تولەۋدى موينىنا العان. ەندى بۇل ءتىزىم كەڭەيە تۇسپەك. ەندى 18 جاسقا دەيىنگى مۇگەدەكتى كۇتىپ باعاتىن جۇمىسسىز تۇلعا مەن ورالمان اعايىن تىركەۋدەن سوڭ ءبىر جىلعا جارنادان بوساتىلادى.
www.24.kz
