قىتايدا سوتتالعان قازاقستاندىق ءۇش ازامات ەلگە قايتارىلدى
سوتتالعان ازاماتتاردى ەلگە قايتارۋ تۋرالى ۋاعدالاستىققا ۇستىمىزدەگى جىلدىڭ 1 -ناۋرىزىندا قازاقستاننىڭ قىتايداعى ەلشىسى شاحرات نۇرىشەۆتىڭ ق ح ر ادىلەت ءمينيسترىنىڭ ورىنباسارى ليۋ جيزيانمەن بولعان كەزدەسۋى كەزىندە قول جەتكىزىلگەن.
«قازىرگى تاڭدا قىتاي اۋماعىندا ءتۇرلى قىلمىستاردى جاساعانى ءۇشىن سوتتالعان 9 قازاقستاندىق ازامات جازالارىن قىتايدىڭ تۇزەتۋ مەكەمەلەرىندە وتەپ جاتىر. «قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى سوتتالعان ادامداردى بەرۋ تۋرالى شارتتىڭ" كۇشىنە ەنۋىن (2011 -جىلدىڭ 22 اقپاندا قول قويىلدى) ەسكەرە وتىرىپ، ەلشىلىكتىڭ كونسۋلدىق قىزمەتى ق ر ازاماتتارىنىڭ قۇقىقتارى مەن مۇددەلەرىن قورعاۋعا جانە سوتتالعان ازاماتتاردى وتانىنا قايتارۋعا باعىتتالعان ءتيىستى ءىس- شارالاردى جالعاستىرۋدا. جاقىن ارادا قىتاي تاراپىمەن ق ر- دىڭ تاعى دا قازاقستاننىڭ ءۇش ازاماتىن ەلگە قايتارۋ تۋرالى سۇراعى قاراستىرىلادى»، - دەلىنگەن حابارلامادا.
2015 -جىلدىڭ قىركۇيەگىنەن باستاپ قىتايلىق تاراپپەن جازالاۋدىڭ ءتۇرلى مەرزىمىمەن ق ح ر اۋماعىندا ايىپتارىن وتەپ جاتقان 14 قازاقستان ازاماتى تابىستالعانىن ەسكە سالامىز.
