ق م د ب وكىلى: وزگە ۇلت وكىلىنە تۇرمىسقا شىققان مۇسىلمان قىزدارىنىڭ جانازاسى وقىلمايدى - كەسكىن

استانا. قازاقپارات - الەۋمەتتىك جەلىدە ءدىنداردىڭ وزگە ۇلتتىڭ، وزگە ءدىننىڭ جىگىتتەرىنە تۇرمىسقا شىعاتىن قازاق قىزدارى تۋرالى ايتقان ۆيدەوسى كەڭىنەن تارالىپ جاتىر.

وندا قازاقستان مۇسىلماندارى ءدىني باسقارماسىنىڭ شاريعات جانە ءپاتۋا ءبولىمى مەڭگەرۋشىسىنىڭ ورىنباسارى سانسىزباي قۇربان ۇلى بۇل ماسەلەنى اشىق ءارى اشىنا وتىرىپ ايتقان.

بۇل تۋرالى Caravan.kz ءتىلشىسى حابارلادى.

«بىزگە مۇسىلماننان، حريستياننان، ياحۋديدەن قىز الۋعا بولادى. قۇدايدى ءبىر دەيتىن بولسا، ءبىراق قۇرانعا كۇماندانىپ تۇرسا، ناتاشا، سۆەتلانالاردى الۋعا بولادى. ال مۇسىلماننىڭ قىزى تەك قانا مۇسىلمانعا تۇرمىسقا شىعۋى كەرەك. باسقاعا شىقسا، كاپىر بولادى. ونىڭ جانازاسى وقىلمايدى. قىزدارىمىز دوللار ءۇشىن، ەۆرو ءۇشىن، حريستيان بىلاي تۇرسىن، ءيت جەيتىن، قۇرت- قۇمىرسقا جەيتىن ساسىقتىڭ استىندا جاتىر. قىزدار تۇگىلى ءبىز دە قۇلقىنعا ساتىلىپ كەتەمىز. ءوزىمىزدىڭ قازاقتىڭ ادەمى قۇدا- جەكجاتتىعىنا ەشتەڭە جەتپەيدى عوي. قىزىمىزدى وزگەگە بەرىپ، دجيپ ءمىنىپ جۇرگەنشە، تازا، مۇسىلمان جىگىتكە بەرىپ، ەسەكپەن جۇرگەنىڭ ارتىق ەمەس پە؟» دەيدى سانسىزباي قۇربان ۇلى.