ۆارشاۆادا قازاقستاندىق بوكسشى قارسىلاسىن ءبىرىنشى راۋندتا سۇلاتىپ سالدى

استانا. قازاقپارات - قازاقستاندىق كاسىپقوي بوكسشى قارسىلاسىن ءبىرىنشى راۋندتا سۇلاتىپ سالدى، دەپ حابارلايدى قازاقپارات ءتىلشىسى.

بيىل عانا كاسىپقوي بوكسقا اۋىسقان جەرلەسىمىز الي بالويەۆتىڭ بۇل ەكىنشى جەكپە-جەگى. العاشقى ايقاسىندا دا جەڭىسكە جەتكەن بولاتىن. بۇل جولى ول ۆارشاۆادا (پولشا) جەرگىلىكتى بوكسشى ارتۋر ناۆروتسكيدى (1-1-0)، 1- راۋندتىڭ العاشى مينۋتتارىندا نوكداۋنعا جىبەردى. ارى قاراي تورەشى كەزدەسۋدى جالعاستىرۋدان باس تارتتى.

سەبەبى، ناۆروتسكي جەرلەسىمىزدىڭ اۋىر سوققىسىنان ەسەڭگىرەپ قالدى. ەكى بوكسشى اراسىنداعى ايقاس اۋىر سالماقتاعى (90,8 كەلى - 200 فۋنت) 4 راۋندقا جوسپارلانعان بولاتىن.

ەستەرىڭىزگە سالا كەتەيىك، 23 جاسار قازاقستاندىق بوكسشى الي بالويەۆ، 18- اقپاندا ريگادا (لاتۆيا)، وليمپيادا سپورت ورتالىعىندا ءوزىنىڭ العاشقى جەكپە-جەگىن وتكىزىپ، 4 راۋندتىق كەزدەسۋدە، 32 جاسار جەرگىلىكتى بوكسشى ماركەس كوۆاليەۆسكيستى نوكاۋتپەن ۇتقان بولاتىن.

ايتا كەتەيىك، الي بالويەۆ الماتىداعى «ابىلاي حان» زالىندا بەلگىلى جاتتىقتىرۋشى ساعاتبەك مۇساحانوۆتىڭ قول استىندا جاتتىعادى. عالىم جارىلعاپوۆ اتىنداعى حالىقارالىق تۋرنيردىڭ جەڭىمپازى.

اۆتور: كۇنسۇلتان وتارباي