الەمدەگى ەڭ سالماعى اۋىر ايەل وپەراتسيادان كەيىن بيلەيتىن جاعدايعا جەتتى

استانا. قازاقپارات - الەمدەگى ەڭ اۋىر ايەل يمان احمات ابدۋلاتي اسقازانىن تارىلتۋ وپەراتسياسىنان سوڭ بىرنەشە ءبي قيمىلىن جاساي الاتىن جاعدايعا دەيىن جەتكەن.

بۇل تۋرالى Mid Day حابارلايدى.

36 جاستاعى ايەل اراب مۋزىكاسىنا بيلەپ، كوڭىلىن كوتەرگەن. ول وپەراتسياعا دەيىن قولىن دا كوتەرە الماعان ەكەن.

ەمدەۋ مەكەمەسى قىزمەتكەرلەرىنىڭ ايتۋىنشا، ايەلدىڭ سالماعى تومەندەپ قازىر 400 كەلىنى قۇراعان. ال اۋرۋحاناعا الىپ كەلگەن كەزدە ونىڭ سالماعى جارتى تونناعا جەتكەن ەكەن. قازىر ايەل تەك سۇيىق تاعامدار ءىشىپ، ەم-دوم قابىلداپ جاتىر. جاعدايى ءبىرقالىپقا كەلگەننەن كەيىن ول ۇيىنە قايتارىلماق.

اسقازانى كەڭدىگىنەن ارتىق سالماققا تاپ بولعان ايەل 25 جاسىندا ينسۋلت الىپ، توسەككە تاڭىلعان.

ونى اقپان ايىندا چارتەرلىك ۇشاقپەن مۋمبايعا الىپ كەلىپ، 7 -ناۋرىز كۇنى وپەراتسيا جاسادى.