08:43, 13 - ناۋرىز 2017 | GMT +5
فەيسبۋكتە جازبالاردى وزدىگىنەن وشىرەتىن قىزمەت پايدا بولدى
استانا. قازاقپارات - Facebook Messenger- ىندە ءبىر تاۋلىك وتكەننەن كەيىن جازبالاردى وزدىگىنەن وشىرەتىن قىزمەت پايدا بولدى.
بۇل تۋرالى بەلتا كومپانيانىڭ رەسمي بلوگىنا سىلتەمە جاساپ حابارلايدى. جاڭا قىزمەت Messenger Day دەپ اتالادى. قولدانۋشى سۋرەتتى نەمەسە ۆيدەوتاسپانى ءتۇسىرىپ، ءتۇرلى ستيكەرلەر، ەمودزيلەر مەن ەففەكتىلەردى قولدانا وتىرىپ، جاريالاي الادى.
فوتو نەمەسە ۆيدەو جاريالاعاننان كەيىن، جەلى قولدانۋشىلارى بۇل جازبانى 24 ساعاتتىڭ ىشىندە كورۋلەرىنە مۇمكىندىكتەرى بار. بۇل فۋنكسيانى بارلىق iOS جانە Android قولدانۋشىلارى ورناتا الادى. ول ءۇشىن Facebook Messenger- ىنىڭ سوڭعى نۇسقاسىن جۇكتەسەڭىز بولعانى.
ەسكە سالا كەتەيىك، Facebook بۇل يدەيانى Snapchat-تان العان العاشقى الەۋمەتتىك جەلى ەمەس. بۇعان دەيىن وسىنداي وزدىگىنەن جويىلاتىن قىزمەت «ۆكونتاكتە» مەن Instagram-دا پايدا بولعان ەدى.
