كاھف سۇرەسىندەگى ماتەماتيكالىق دالدىك

استانا. قازاقپارات - اللا ءسوزىنىڭ قاسيەتى ءار عاسىردا، ءار ۋاقىتتا اشىلا بەرەرى اقيقات.

تاياۋدا عالىمدار قۇراندى عىلىمي جاعىنان زەرتتەي كەلە مىنا ءبىر تاڭعاجايىپ دۇنيەنى شىعاردى.

قۇراننىڭ ءدال ورتاسىندا كەلەتىن "كاھف" سۇرەسىندە زۇلىم پاتشادان قاشىپ، ءبىر اللاعا دەگەن سەنىمدەرىن قورعاپ، ۇڭگىردە اللانىڭ امىرىمەن ءۇش ءجۇز جىل جانە توعىز اي ۇيقىعا كەتىپ، پانا تاپقان اللانىڭ اقيقي قۇلدارى جونىندە باياندالادى.

سول سۇرەنىڭ 12-اياتىندا «ءلابيسۋ» (بولۋ، قالۋ، كىدىرىپ قالۋ) سوزىنەن باستاپ ءار ءسوزدى ساناسا، 25-اياتتا «ءسالاسا ءميا» (ءۇش ءجۇز) دەگەن سوزگە كەلگەندە، تۋرا 300 ءسوز بولادى. ال، 26-اياتتا «ءلابيسۋ» (بولۋ، قالۋ، كىدىرىپ قالۋ) سوزىنە كەلگەندە ۇڭگىر وقيعاسى اياقتالىپ، تۋرا 309 ءسوز بولادى. ياعني، ولار ۇيقىعا كەتكەن 300 جىل جانە توعىز ايدىڭ ەسەبى شىعادى. سونىمەن بىرگە بۇدان بۇرىن عالىمدار ماتەماتيكالىق ەسەپپەن تۋرا 300 جىل شىعۋ ءۇشىن 9 ايدىڭ دا قاجەت ەكەنىن انىقتاعان. 300 جىل - شامسيا كۇنتىزبەسىنە، 309 جىل - قاماريا كۇنتىزبەسىنە سايكەس كەلەتىندىگەن كوز جەتكىزگەن.

اياتتارداعى وسىنشاما ماتەماتيكالىق دالدىك پايعامبارىمىز مۇحاممەد مۇستافاعا ﷺ تۇسكەن قۇراندا بولۋى اللانىڭ قۇدىرەتىن ودان ارى پاش ەتە تۇسپەك.

وسىندايدا، اللا ءسوزىنىڭ كۇن سايىن دالەلدەنىپ جاتقان كەرەمەتتەرىنە قايران قالىپ، جاراتقانعا شۇكىر ەتكەننەن باسقا شارامىز جوق.

قۋات قابدولدا، "نۇر- مۇباراك" ۋنيۆەرسيتەتىنىڭ دوكتورانتى