دارىگەرلەر ديماشقا جوعارى داۋىستا ءان ايتپاۋعا كەڭەس بەردى - كەسكىن
Sina weibo الەۋمەتتىك جەلىسىندە ديماشتىڭ دارىگەرگە كورىنگەن ۆيدەوسى جاريالاندى. ودان ديماشتىڭ ونەر كورسەتۋدەن ءبىر كۇن بۇرىن سالقىن ءتيىپ، داۋىسى شىقپاي قالعانىن بايقاۋعا بولادى. ءوزى ديماشتىڭ جانكۇيەرى بولىپ تابىلاتىنىن ايتقان دارىگەر، وعان تولىق جازىلعانعا دەيىن جوعارى داۋىستا ءان سالماۋعا كەڭەس بەردى.
قازاقستاندىق ءانشى بايقاۋدىڭ سەگىزىنشى كەزەڭىنە تاماعىنا اۋىرسىنۋدى باساتىن ءدارى ەگىپ، ساحناعا شىققانىن بۇدان بۇرىن حابارلاعان بولاتىنبىز. ال جوباعا قاتىسۋشى انشىلەر ديماشقا قولداۋ كورسەتىپ، سىرقاتقا قارسى قىمبات دارىلەر اكەلىپ بەرگەن.
ەسكە سالا كەتەيىك، ديماش قىتايشا «تاڭ اتتى» ءانىن شىرقاعان سەگىزىنشى كەزەڭ ەفيردەن 11 -ناۋرىز كۇنى كورسەتىلدى. وتانداسىمىز توعىزىنشى كەزەڭدە الەمدىك حيت «All by Myself» ءانىن ايتىپ، ەكىنشى ورىننان كورىندى. بۇل كەزەڭ قىتايلىق تەلەارنالاردان 18 -ناۋرىز كۇنى كورسەتىلەتىن بولادى.
اۆتور: مۇحتار قاليموللا ۇلى
