11:38, 12 - ناۋرىز 2017 | GMT +5
بالا كوتەرۋگە جالدانعان انا الەمگە تانىمال فۋتبولشىنىڭ ەگىزدەرىن كوتەرىپ ءجۇر
استانا. قازاقپارات - مادريدتىك «رەالدىڭ» جانە پورتۋگاليا قۇراماسىنىڭ تانىمال فۋتبوليسى كريشتيانۋ رونالدۋ جاقىن كۇندەرى تاعى اكە اتانادى، دەپ حابارلايدى ت ا س س.
ا ق ش- تا تۇراتىن سۋرروگات انا ونىڭ ەگىز بالالارىن كوتەرىپ ءجۇر. جاقىن كۇندەرى ول بوسانۋى ءتيىس، دەپ حابارلايدى The Sun باسىلىمى پورتۋگالدىقتىڭ وتباسىنا جاقىن ادامعا سىلتەمە جاساپ.
«كريشتيانۋ بالالارىن اسىعا كۇتىپ ءجۇر. ول ءوزىنىڭ جەكە ءومىرىن جاسىرۋعا تىرىسۋدا، ءبىراق جاقىن دوستارى مەن تۋىستارىنا تاياۋ ۋاقىتتا ەگىزدەردىڭ ومىرگە كەلەتىنىن ايتتى»، - دەدى دەرەككوز. 32 جاستاعى رونالدۋدىڭ التى جاسار ۇلى بار. بۇل بالانى دا سۋرروگات انا دۇنيەگە اكەلدى.
