اقشا جىمقىرىپ تۇتقىندالعان قۋاندىق بيشىمبايەۆتىڭ وزگە بىلىقتارى اشكەرە بولدى

استانا. قازاقپارات - بۇرىنعى ۇلتتىق ەكونوميكا ءمينيسترى بيۋدجەت اقشاسىن جىمقىرىپ قانا قويماي، قىزمەتىن دە اقىلى تۇردە پايدالانعان دەيدى تەرگەۋشىلەر.

ياعني، تەڭگەسىن تولەگەندەرگە مينيسترلىك تاراپىنان قولداۋ جاساپ، ءتىپتى زاڭسىز ىستەرگە دەيىن كورمەگەندەي سىڭاي تانىتقان، دەپ حابارلايدى «ك ت ك» ارناسى.

جەمقورلىققا قارسى ۇلتتىق بيۋرو ولاردىڭ ناقتى كىم ەكەنىن ازىرگە اشىپ ايتقان جوق. بەلگىلىسى، زاڭدى بەلشەدەن باسقان ەكس-مينيسترگە قاتىستى تاعى بىرنەشە باپ بويىنشا ءىس قوزعالعان.

ايتا كەتەيىك، قۋاندىق بيشىمبايەۆ «بايتەرەك» حولدينگىن باسقارعان كەزدە قىزىلورداداعى شىنى زاۋىتىنىڭ قۇرىلىسىنا بولىنگەن قارجىنىڭ ميلليارد تەڭگەسىن قالتاعا باستى دەپ ايىپتالۋدا.

ءبىراق ۇلتتىق بيۋرو، بيشىمبايەۆ قولدى قىلعان اقشانىڭ كولەمى تاعى ارتۋى مۇمكىن دەپ وتىر. ەكس-ءمينيستردىڭ ءوزى قازىر تەرگەۋ يزولياتورىندا جاتىر.