ايدار شارىبايەۆ ماياميدە كەزەكتى جەكپە-جەگىن وتكىزەدى

استانا. قازاقپارات - قازاقستاندىق كاسىپقوي بوكسشى ايدار شارىبايەۆتىڭ كەزەكتى جەكپە-جەكتەگى قارسىلاسى انىقتىلدى، دەپ حابارلايدى قازاقپارات ءتىلشىسى.

جەڭىل سالماقتا ونەر كورسەتىپ جۇرگەن وتانداسىمىز وسىعان دەيىن ءتورت كەزدەسۋ وتكىزىپ، بارلىعىندا جەڭىسكە جەتكەن بولاتىن. ونىڭ ۇشەۋىن مەرزىمىنەن بۇرىن اياقتادى.

شارىبايەۆ بەسىنشى ايقاسىندا 23 جاستاعى مەكسيكالىق بوكسشى گابينو كوتامەن جۇدىرىقتاساتىن بولادى.

كوتا وسىعان دەيىن 19 رەت شارشى الاڭعا شىعىپ، ونىڭ جەتەۋىندە جەڭىلىستىڭ اششى ءدامىن تاتقان.

بوكس كەشى 17- ناۋرىز كۇنى فلوريدا شتاتىنىڭ (ا ق ش) مايامي قالاسىندا وتەدى. كەزدەسۋ 6 راۋندقا جوسپارلانعان.

اۆتور: كۇنسۇلتان وتارباي