13:44, 10 - ناۋرىز 2017 | GMT +5
ەلباسى ق ر كونستيتۋتسياسىنا ەنگىزىلگەن وزگەرىستەرگە قول قويدى
استانا. قازاقپارات - مەملەكەت باسشىسى «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى.
بۇل تۋرالى اقوردانىڭ باسپا ءسوز قىزمەتى تۆيتتەردە حابارلادى.
ەسكە سالا كەتسەك، كونستيتۋتسياعا وزگەرىستەر ەنگىزۋ جوباسى رەسمي ب ا ق- تا 2017-جىلدىڭ 26- قاڭتارىندا جاريالانعان ەدى.
6- ناۋرىزدا قازاقستان رەسپۋبليكاسىنىڭ پارلامەنتى «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭدى ەكىنشى وقىلىمدا قابىلدادى.
مەملەكەت باسشىسىنا قول قويۋ ءۇشىن ۇسىنىلعان «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭى كونستيتۋتسيالىق كەڭەسكە جولدانعان بولاتىن.
ال كونستيتۋتسيالىق كەڭەس ءوز شەشىمىندە اتالعان زاڭنىڭ ق ر كونستيتۋتسياسىنا، سونىڭ ىشىندە رەسپۋبليكانىڭ كونستيتۋتسيالىق قۇندىلىقتارىنا، قىزمەتىنىڭ تۇبەگەيلى پرينتسيپتەرىنە جانە باسقارۋ نىسانىنا سايكەس كەلەدى دەپ قاۋلى ەتتى.
