يسلام دىنىندە مىسىق اسىراۋدىڭ قانداي ارتىقشىلىقتارى بار
مىسىقتىڭ پىرىلى جانۋارعا ءتان جاي عانا دىبىس دەرسىز، ءبىراق ونىڭ ءتۇرلى دەرتكە ەم ەكەنىن بىرەۋ بىلسە، بىرەۋ بىلمەس.
استە، بۇل پىرىل مىناداي اۋرۋلارعا شيپا كورىنەدى:
سىنعان سۇيەكتەردىڭ ءبىتىپ كەتۋىنە كومەكتەسەدى جانە سۇيەكتى قاتايتا تۇسەدى.
ادامنىڭ جۇيكە جۇيەسى مەن پسيحيكاسىن قالىپقا كەلتىرەدى
سونداي- اق مىسىقتىڭ پىرىلداعان دىبىسى ميدىڭ جانە جۇرەك قاناينالىمىن جاقسارتىپ، يممۋنيتەتتى كوتەرەدى.
گاستريت، اسقازانداعى تاستى جويىپ، وستەوحاندروز، تۇماۋ ۇيقىسىزدىق اۋرۋلارىنان ەمدەيدى
ىشىمدىك پەن ناشاقورلىققا دەگەن تاۋەلىدىكتى سەيىلتەدى
مىسىقتىڭ تىرناقتارى ينە تەراپەياسىنىنڭ ورنىنا جۇرەتىن كورىنەدى.
ال يسلام تاريحىندا مىسىقتاردىڭ پىرىلداعانى اللاعا زىكىر ايتۋى دەگەن تۇسىنىك بار. ءبىز قاتارىمەن ۇشقان قۇستار، تۇرعان تاۋ- تاستار قالاي بولعانى بىزدەرگە بەيمالىم زىكىرمەن حاققا قۇلشىلىق ەتەتىنىن بىلەمىز. وسىمدىكتەردىڭ عيباداتى قيام (تىك تۇرۋ) حالىندە، جانسىز دەپ سانالعاندار دا جەرگە جابىسقان تۇردە ياعني، ساجدە كۇيىندە حاق تاعالاعا ماداقتار ايتاتىنى بەلگىلى.
اللانىڭ ءۇيى - مەشىتكە كىرۋگە رۇقسات ەتىلگەن جالعىز جانۋار ول - مىسىق. وسىدان اق بۇل ءۇي جانۋارىنىڭ يسلامداعى ورنىن بىلە بەرۋگە بولادى. الەمگە نۇرىن توككەن، ادامزاتتىڭ اسىل ءتاجى پايعامبارىمىز دا مىسىقتى ەرەكشە جاقسى كورگەن. اللا ەلشىسىنىڭ مۋ'يززا ەسىمدى اپپاق مىسىعى بولعان دەسەدى. ەكى دۇنيە ساردارىنىڭ ونى جاقسى كورگەنى سونشالىق، ورنىنان تۇراردا شاپانىنىڭ ەتەگىندە ۇيىقتاپ قالعان مىسىقتى وياتىپ الماۋ ءۇشىن كيىمىن قيىپ تاستاعان. مىسىق ىشكەن سۋمەن دارەت تە العانىن مىنا حاديستەن اڭعارۋعا بولادى: اناس يبن ماليكتەن بىرەۋ مىسىق جايىندا سۇراعاندا، ول بىلاي دەگەن ەكەن: «بىردە اللا ەلشىسىمەن (س. ع. س) بىرگە بۋحتاني جەرىنە جولعا شىقتىم. پايعامبارىمىز (س. ع. س) ماعان دارەت الاتىن سۋ دايىنداۋىمدى تاپسىردى. الايدا ول كەلگەنىندە دارەت سۋى قۇيىلعان ىدىستان ءبىر مىسىق سۋ ءىشىپ جاتتى. ارداقتى ەلشى (س. ع. س) بولسا، مىسىقتىڭ ءشولى قانعانشا كۇتىپ تۇردى. سوندا مەن سۋدى جاڭارتايىن دەگەنىمدە، پايعامبارىمىز (س. ع. س): « ەي اناس، مىسىق دەگەن تازا جانۋار جانە ەشقاشان ەشتەڭەنى كىر قىلمايدى»، - دەپ جاۋاپ بەردى».
سونداي-اق ولارعا زۇلىمدىق جاساپ قويۋدان دا ساق بولۋ كەرەك. ءبىر ايەلدىڭ مىسىقتى بىرنەشە كۇن اس- سۋسىز قالدىرىپ، اشتان ولتىرگەنىن، اقىر سوڭىندا تىرشىلىك يەسىنە قاتىگەزدىك تانىتقان ايەلدىڭ توزاققا تۇسكەنى جايىنداعى وقيعا كوپشىلىگىمىزگە تانىس. سوندىقتان دا اللا جاراتقان جاراتىلىس يەسىنە قاشان دا مەيىرىمدىك كورسەتكەن ابزال. پايعامبارىمىزدىڭ (س. ع. س): «ەگەر سەندەردىڭ جانۋارلارعا جاساعان قياناتتارىڭ كەشىرىلسە، وندا كوپ كۇنادان ارىلاتىن ەدىڭدەر»، - دەگەن ءحاديسى كوپ نارسەنى اڭعارتاتىنى ءسوزسىز.
ihsan.kz
