ايەلدەر قاۋقارلى بولا تۇرا، وتە ءالسىز - قاراقات ءابىلدينا

استانا. قازاقپارات - ءانشى، «قاراقات» مەكتەپ- ستۋديوسىنىڭ ديرەكتورى، قازاقستاننىڭ ەڭبەك سىڭىرگەن قايراتكەرى قاراقات ءابىلدينا «ايەلدىڭ قىرىق جانى بار» دەگەن تىركەستى ەندى ءتۇسىنىپ جاتىرمىن دەيدى.

 

 «انا» دەگەن ارداقتى اتقا لايىق بولۋ - ۇلكەن جاۋاپكەرشىلىك. سونىمەن قاتار، ەل الدىندا ءجۇرىپ ءان ايتۋ، ۇلگى بولۋ - ول دا اۋىر مىندەت. كوپ جۋرناليس «وسىنىڭ بارىنە قالاي ۇلگەرەسىز» دەپ سۇراپ جاتادى. ايەلدىڭ «قىرىق جانى بار» دەگەندى ەندى ءتۇسىنىپ جاتىرمىن. ءبىز ءبىر ساتتە وتىرىپ، بىرنەشە ماسەلەنى ويلاي الامىز، ءبىز قاتارىنان بىرنەشە سۇراقتى شەشەتىن قاۋقارىمىز بار. ءبىراق، سولاي بولا تۇرا، ءبىز ءالسىزبىز»، - دەيدى ءانشى.

قاراقات ءابىلدينا «قىز بالا ومىرلىك سەرىگىن تاپقاندا، ءوز وشاعىنىڭ وتىن جاققاندا باقىتتى بولادى» دەگەن اقىلىن ايتىپ، جارى قىدىرالى بولمانوۆقا زور العىسىن ءبىلدىردى.

 «مەنىڭ ءان ايتىپ، ونىمەن قوسا بالالارىمدى دۇنيەگە اكەلىپ، وسىنىڭ بارىنە ۇلگەرىپ جۇرگەنىم الدىمەن حالقىمنىڭ اق باتاسىنىڭ جانە ازاماتىمنىڭ ۇلكەن قولداۋى»، - دەيدى ءانشى.

ءسوز وڭىندا قاراقات ءابىلدينا قىز- كەلىنشەكتەردى 8 -ناۋرىز مەرەكەسىمەن قۇتتىقتادى. «ارداقتى انالار، قىز- كەلىنشەكتەر! بارلىقتارىڭىزدى كوكتەمنىڭ شۋاقتى كۇنىمەن، تىرشىلىكتىڭ ويانىپ، شۋاعىن شاشىپ، ادامزاتقا قۋانىش سىيلايتىن مەرەكەسىمەن قۇتتىقتايمىن»، - دەدى ءانشى.

 اۆتور: كەنجەكەي توقتامۇرات قىزى