قازاق عالىمدارى اعىلشىن ءتىلىن بىلمەسە كۇندەرى قاراڭ

استانا. قازاقپارات - اعىلشىن ءتىلىن بىلمەيتىن ۇستاز عالىم ەمەس، سەبەبى ول ءوز ويىن عىلىمي ورتاعا سالا المايتىن قارابايىر بىلگىر.

Skype-پەن اعىلشىن، پاكىستاندىق، ۇندىلەر، ارابتارمەن (22 مەملەكەت) كۇندە دەلىك سويلەسەمىن. اقپاراتتىڭ، كەرەكتى دەرەكتەردىڭ ءبىرىن سولاردىڭ اڭگىمەسىنەن كەيىن google ارقىلى الامىن. شەتەلدىكتەرمەن اڭگىمە ىزدەنۋگە يمپۋلس. ءتىپتى ورىستارمەن، ازىربايجاندارمەن دە تەك اعىلشىنشا سويلەسەمىن، نەمەرەلەرىم دە ولارمەن اعىلشىنشا سويلەسەدى، ورىسشا پايدالانبايدى. جاقىندا ماروككونىڭ قىزى مەنىڭ ماعۋن سۇرەسىندەگى وقىعانداعى قاتەلىكتەرىمدى تۇزەدى. ارابتار تۋرالى ەكى كىتاپ شىعاردىم، كوپ دەرەكتەردى، الدىمەن، ارابتاردىڭ اڭگىمەلەرىنەن كەيىن الدىم. ماسەلەنكي، ءاربىر اراب مەملەكەتىنىڭ ءوز كورنەكتى قايراتكەرىن ارابتاردىڭ ءوزى اتادى، كەيىن مەن ولارمەن اعىلشىن تىلىندە سول تاريحي پەرسونالاردى تالقىلاپ شىقتىم. كەيبىر فاكتورلاردى، ماسەلەن، بەربەر فاكتورىن، ارابتار مەملەكەتەرىندەگى كۇرد فاكتورىن سولاردىڭ ايتۋىنان كەيىن ىزدەندىم. ولار ماعان مەنىڭ دارىستەرىمە دەرەك بەرىپ وتىرادى. ماسەلەن، قىتاي تۋرالى دارىستە دەرەكتەردىڭ نەگىزى مەن ءوزىم ينتەرنەتتەن الامىن، ەكىنشى بولىگىن قىتاي جىگىتى ماعان ۆيدەوجازبا ارقىلى بەرەدى.

مەن ونىڭ بەرگەن دەرەگىن دارىستە قازاقشاعا اۋدارىپ، ستۋدەنتتەرگە دارىستە وقىپ بەرەمىن. سول سياقتى ءۇندىستان، پاكىستان تۋرالى، ال ارابتار تۋرالى مەن ءوز شىققان كىتاپتارىمنان بەرەمىن. ارينە، باسقا ەلدەردى سيپاتتاۋدا مەن ءوز پىكىرىمدى دە قوسامىن. كوپتەگەن سول ەلدەردە مەن بولعانمىن، فوتوسۋرەتتەرىم دە بار. ءبىراق ستۋدەنتتەر اعىلشىن جانە اراب تىلدەرىندە جاڭا عانا ايتىلعان اقىلعا كوبىرەك سەنەدى. سوندىقتان نازاربايەۆ ايتقانداي جوعارى وقۋ ورنىنىڭ وقىتۋشىسى اعىلشىن تىلىندە ەركىن ءبىلۋى ءتيىس. ءبىر شەت ءتىل ازدىق ەتكەن سوڭ ارابشامدى قوسامىن، سول ءتىلدى دامىتۋ ءۇشىن ارابتارعا جالىنامىن، ەسەسىنە ولاردى اعىلشىنشا تەگىن وقىتامىن. ءار عالىم جاقسى ۇستاز بولۋ ءۇشىن كوپ مەملەكەت ارالاۋى كەرەك. مەن عىلىمي ورتالاردا ءۇش-ءتورت كۇننەن كەيىن كوزگە تۇسەمىن، ولار مەنى سۇراي باستايدى: ءسىز قاي ۋنيۆەرسيتەت تامامدادىڭىز دەپ. مەن اباي اتىنداعى قاز ۇ پ ۋ ۋنيۆەرسيتەتىن ءبىتىردىم، ول ورتاشا ۋنيۆەرسيتەت دەگەنىمدە ولار ءسىزدىڭ ەلدىڭ عىلىم-ءبىلىم ءىسى بيىك دەڭگەيدە ەكەن دەيدى. ءبىزدىڭ مەملەكەتتىك دەڭگەيىمىز ءىس جۇزىندە كوپتەگەن ەلدەردەن كوپ بيىك ەكەنى راس.

«قامشى» سىلتەيدى