ب ا ق ترامپتىڭ كۇيەۋ بالاسى رەسەيلىك ەلشىمەن ەكى رەت كەزدەسكەنىن ءبىلىپ قويدى
باسىلىم دەرەك كوزىنىڭ مالىمەتى بويىنشا، كەزدەسۋ نيۋ-يوركتەگى ترامپ-تاۋەر مۇناراسىندا وتكەن جىلى جەلتوقساندا، ترامپتىڭ رەسمي تۇردە قىزمەتكە كىرۋى قارساڭىندا وتكەن.
گازەت وتپەلى شتاب وكىلدەرىنىڭ شەتەلدىك شەنەۋنىكتەرىمەن كەزدەسۋىنە تىيىم جوق ەكەنىن جازدى، ءبىراق بۇل كەزدەسۋگە رەسەيدىڭ ا ق ش- تاعى سايلاۋلارعا ارالاسۋىن تەرگەۋگە بايلانىستى ەرەكشە كوڭىل ءبولىنىپ وتىر.
The Washington Post گازەتى سەناتور سەشنستىڭ رەسەيلىك ەلشى كيسلياكپەن ەكى مارتە كەزدەسكەنى تۋرالى جازدى. باسىلىم مالىمەتى بويىنشا، كەزدەسۋلەردىڭ ءبىرى وتكەن جىلى قىركۇيەكتە وتكەن، شامامەن سول ۋاقىتتا امەريكالىق سايلاۋ جۇيەسىنە كيبەرشابۋىل جاسالعانى انىقتالعان ەدى. كەيىن ونى رەسەي جاسادى دەپ ايىپتادى.
سەشنستى ادىلەت ءمينيسترى ەتىپ تاعايىنداۋعا قاتىستى سەنات وتىرىسىندا ول بۇل كەزدەسۋ تۋرالى ەشتەمە ايتپاعان. سەشنستىڭ رەسەيلىك بيلىك وكىلدەرىمەن بايلانىسى تۋرالى ماقالالاردان سوڭ وكىلدەر پالاتاسىنداعى دەموكراتتار جەتەكشىسى نەنسي پەلوسي ونىڭ وستاۆكاعا كەتۋىن تالاپ ەتتى.
بيىل اقپاندا پرەزيدەنتتىك ۇلتتىق قاۋىپسىزدىك جونىندەگى كەڭەسشىسى مايكل فلينن جۇمىستان كەتتى، ونىڭ ۆاشينگتوندا رەسەيلىك ەلشىمەن تەلەفون ارقىلى رەسەيگە قارسى سانكسيالاردى تالقىلاعانى اشكەرە بولعان.
