ابايسىزدا وق تيگەن پاۆلودار وبلىستىق دەنساۋلىق ساقتاۋ باسقارماسىنىڭ باسشىسى قىزمەتىنە قايتا كىرىستى

استانا. قازاقپارات - پاۆلودار وبلىستىق دەنساۋلىق ساقتاۋ باسقارماسىنىڭ باسشىسى نۇرلان قاسىموۆ بىرنەشە ساعاتقا جۇمىسىنا ورالىپ، ءوز مىندەتىنە بىرتىندەپ كىرىسۋدە، دەپ حابارلايدى pavlodarnews.kz.

بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز كونفەرەنسياسى بارىسىندا وبلىستىق دەنساۋلىق ساقتاۋ باسقارماسى باسشىسىنىڭ م. ا. نۇرلان ورازالين ءمالىم ەتكەن.

- قازىرگى تاڭدا نۇرلان قاۋكەن ۇلىنىڭ دەنساۋلىعى ءبىرقالىپتى. پاۆلوداردا. وڭالتۋ شارالارىنان وتۋدە. جۇمىسقا كەلىپ جۇرەدى. دەگەنمەن رەسمي تۇردە دەنساۋلىعىنا بايلانىستى ۋاقىتشا ەڭبەككە جارامسىز بولىپ ەسەپتەلەدى. استاناعا بارىپ، باقىلاۋدان ءوتۋى كەرەك، - دەدى نۇرلان ورازالين.

ەسكە سالا كەتەيىك، 25 -جەلتوقسان كۇنى شامامەن كۇندىزگى ساعات تورتتە نۇرلان قاسىموۆ ابايسىزدا اڭعا شىققان كەزدە سول يىعىن جاراقاتتاپ العان بولاتىن. ءبىر ساعاتتىڭ ىشىندە ۆەدومستۆو باسشىسىنا وبلىستىق اۋرۋحانادا وتا جاسالدى. بۇدان كەيىن ساناۆياتسيا ارقىلى استاناعا رەسپۋبليكالىق تراۆماتولوگيالىق ورتالىققا جەتكىزىلدى. ول پاۆلودار وبلىسى دەنساۋلىق ساقتاۋ باسقارماسىنىڭ باسشىسى بولىپ 2012 -جىلى تاعايىندالعان. بۇعان دەيىن باس دارىگەر استانا قالاسى «جەدەل مەديتسينالىق كومەك كورسەتۋ رەسپۋبليكالىق عىلىمي ورتالىعى» ا ق- نىڭ باسشىسى مىندەتىن اتقارعان.