رەسەيلىك دەپۋتات جانكۇيەرلەر توبەلەسىن سپورت ءتۇرى ەتۋدى ۇسىندى

استانا. قازاقپارات - فۋتبول جانكۇيەرلەرىنىڭ «ستەنكا نا ستەنكۋ» جارىستارىن تاعايىنداۋدى ۇسىنادى رف مەملەكەتتىك دۋماسى ءتوراعاسىنىڭ ورىنباسارى، لدپر مۇشەسى يگور لەبەديەۆ دەپ حابارلانادى پارتيا سايتىندا.

«جانكۇيەرلەرمەن ارادا بايلانىس ورناتۋعا بولادى، ولارمەن جۇمىس ىستەۋ كەرەك. ءبىزدىڭ جانكۇيەرلەرىمىز بۇزاقى ەمەس، ناعىز جاۋىنگەر بولعاندىقتان، ولاردىڭ توبەلەسىن سپورت تۇرىنە اينالدىرا الامىز. سپورتتىق جەكپە-جەك دەگەنىمىز نە؟ بۇل سپورت تۇرىنە اينالعان ەكى ادامنىڭ توبەلەسى ەمەس پە. «ستەنكا نا ستەنكۋ» توبەلەسى سياقتى ورىس حالقىنىڭ ۇلتتىق قىزىعىن ءدال سولاي سپورت تۇرىنە اينالدىرعان دۇرىس قوي؟ ەرەجەلەر ەنگىزىپ، كوماندالار اراسىندا جارىستار وتكىزسە بولدى»، - دەيدى دەپۋتات.

مەملەكەتتىك دۋما ۆيتسە- سپيكەرىنىڭ ايتۋىنشا، جۇرت فۋتبول ماتچى ءۇشىن عانا ەمەس، وسىنداي قىزىق ويىن ءۇشىن دە كوبىرەك جينالار ەدى.