كەنياعا اشارشىلىق قاۋپى ءتونىپ تۇر

استانا. قازاقپارات - كەنيا ەلى بىرنەشە جىلعا سوزىلعان قۇرعاقشىلىقتان قاتتى زارداپ شەگىپ وتىر.

وسىعان بايلانىستى بىرىككەن ۇلتتار ۇيىمى حالىقارالىق قاۋىمداستىقتى كومەك بەرۋگە شاقىردى، دەپ حابارلايدى «حابار 24».

ۇيىمنىڭ گۋمانيتارلىق ىستەر جونىندەگى باسشىسى ستيۆەن و'برايەننىڭ ايتۋىنشا، تابيعي اپاتتان 4 ميلليوننان استام ادامعا اشارشىلىق قاۋپى ءتونىپ تۇر. قازىردىڭ وزىندە 1 ميلليوننان استام تۇرعىنعا ازىق-تۇلىك جەتىسپەي جاتىر. ويتكەنى ەلدى جايلاعان قۋاڭشىلىقتان مال قىرىلا باستاعان. جەرگىلىكتى بيلىك توتەنشە جاعداي جاريالاپ، حالىققا كومەكتى كوبەيتە باستادى. ال اۋا رايىن بولجاۋ ورتالىعى تاياۋ ارادا جاۋىن- شاشىن بولا قويمايدى دەپ وتىر.