ەندى حالىقارالىق رەيستەرگە ۇيالى تەلەفون ارقىلى تىركەلۋگە بولادى
موبيلدى وتىرعىزۋ تالونى بار جولاۋشىلارعا شەكارالىق باقىلاۋدان ءوتۋ ءۇشىن FAST TRACK جەكە ۇستەلشە بەلگىلەنگەن. بۇل قىزمەت الماتى حالىقارالىق اۋەجايىمەن جانە ق ر ۇ ق ك شەكارا قىزمەتىمەن ءوزارا ارەكەتتەستىك ارقاسىندا مۇمكىن بولدى. ءسويتىپ، «ەير استانا» وسىنداي قىزمەتتى ۇسىناتىن قازاقستانداعى ءبىرىنشى اۋەكومپانيا اتاندى.
ەستەرىڭىزگە سالا كەتەيىك، 2016-جىلدىڭ شىلدە ايىندا ىشكى رەيستەرگە موبيلدى تىركەلۋ ەنگىزىلگەن بولاتىن.
موبيلدى تىركەلۋ ءۇشىن air astana قوسىمشاسىن جۇكتەپ، وتىرعىزۋ الدىندا تەلەفوندى سكانەرلەيتىن قۇرىلعىعا جاقىنداتۋ كەرەك. تىركەلۋ رەيسكە دەيىن 24 ساعات بۇرىن باستالىپ، ءبىر ساعات بۇرىن جابىلادى.
ءبىرىنشى جارتىجىلدىقتا «ەير استانا» بۇل قىزمەتتى قازاقستاننىڭ باسقا دا قالالارىندا قوسۋدى جوسپارلاپ وتىر.
موبيلدى تىركەۋدى قوسۋ قىزمەت ساپاسىن جانە ەكونوميكالىق تيىمدىلىكتى جوعارىلاتۋعا سەپتىگىن تيگىزەدى.
«ايقىن»
