كارديوحيرۋرگيالىق ورتالىقتا بىرەگەي وپەراتسيالار جاسالدى
دەپ حابارلايدى قازاقپارات.
«تەك بيىلعى جىلدىڭ 2 ايىندا «ۇلتتىق عىلىمي كارديوحيرۋرگيالىق ورتالىعى» ا ق- دا 1122 وتا جاسالدى. ونىڭ 246-سى اشىق جۇرەككە، 258- ءى بالالارعا جاسالدى»، - دەلىنگەن ۆەدومستۆو مالىمەتىندە.
سونىمەن قاتار، 9 بىرەگەي وتا جاسالدى، ياعني ونىڭ ۇشەۋى جۇرەك ترانسپلانتاتسياسى، 1 وكپە ترانسپلانتاتسياسى، 5 جۇرەكتىڭ سول قارىنشاسىنىڭ قوسالقى قوندىرعىسىن يمپلانتتاۋ. وكپە اۋىستىرۋ وتاسى وتاندىق مەديتسيناداعى بىرەگەي حيرۋرگيالىق ارەكەتتەردىڭ شىنايى كورىنىسى بولدى. بۇل تىنىس الۋ جولدارىنىڭ كۇردەلى سىرقاتتارىنا ۇشىراعان قازاقستاندىقتار ءۇشىن وكپە ترانسپلانتاتسياسىن جاساۋدى جۇيەلى جولعا قويۋعا مۇمكىندىك بەردى.
«ترانسپلانتاتسيانىڭ ءساتتى بولۋى اتالعان ۇدەرىسكە تۇرعىنداردىڭ وزدەرىنىڭ قاتىسۋىمەن، قوعامنىڭ رۋحاني سانا- سەزىمىنىڭ دامۋىمەن تىكەلەي بايلانىستى. دونورلىققا ەرىكتى، سانالى تۇردە كەلىسىم بەرىپ، ازاماتتاردىڭ ادام ءومىرىن قۇتقارۋعا دايىن بولۋى ىزگىلىك پەن ادامگەرشىلىكتىڭ ناعىز شىڭى ەكەنى كۇمانسىز. ترانسپلانتاتسياعا كەلىسىم بەرگەن دونورلار وتباسىنىڭ يگى شەشىمى قۇرمەت پەن العىسقا لايىق»، - دەيدى «ۇلتتىق عىلىمي كارديوحيرۋرگيالىق ورتالىعى» ا ق باسقارما باسشىسى يۋريي پيا.
ايتا كەتەيىك، ۇلتتىق عىلىمي كارديوحيرۋرگيالىق ورتالىعى ورتا ازيا ايماعى بويىنشا مەديتسينالىق قىزمەت كورسەتۋ دەڭگەيىنىڭ حالىقارالىق ساپا ستاندارتتارىنا ساي الدىڭعى قاتارلى كارديوحيرۋرگيالىق ەمحانا بولىپ تابىلادى.
اۆتور: رۋسلان عابباسوۆ
