قازاقستاندىق استىقتىڭ العاشقى پارتياسى ۆەتنامدىق حوشيمين پورتىنا كەلدى - فوتو
دەپ حابارلادى قىتايداعى «قازاقپارات» ح ا ا مەنشىكتى ءتىلشىسى.
VICT تەرمينالىندا سالتاناتتى تۇردە جۇكتى قارسى الۋ راسىمىندە قازاقستاننىڭ ۆەتنامداعى توتەنشە جانە وكىلەتتى ەلشىسى بەكەتجان جۇماحانوۆ،
VICT First logistics development (JV) Co باس ديرەكتورى گلەن كۋن ۆاي كەون، «ليانيۋنگان قالاسىنىڭ قىتايلىق- قازاقستاندىق حالىقارالىق لوگيستيكالىق كومپانياسىنىڭ» باس ديرەكتورى ليۋ بين، ۆەتنامدىق استىق ساتىپ الاتىن كومپانيا وكىلدەرى، ۆەتنام تەلەارنالارىنىڭ تىلشىلەرى، ق ح ر- دا اككرەديتتەلگەن قازاقستاندىق جۋرناليستەر قاتىستى.
«بۇل ۆەتنام مەن ە ا ە و اراسىنداعى ەركىن ساۋدا ايماعى تۋرالى قول قويىلعان كەلىسىم اياسىندا قىتايلىق ليانيۋنگان پورتى ارقىلى «ق ت ج» ۇ ك» كومپانياسىنىڭ ەنشىلەس كاسىپورنى «KTZ Express» ا ق- نىڭ ۆەتنامعا قازاقستاندىق ءونىمدى العاشقى رەت جەتكىزۋى. نەگىزگى مىندەت - جۇكتى ۆەتنامعا جەتكىزۋ عانا ەمەس، قىتاي اۋماعى ارقىلى وڭتۇستىك- شىعىس ازياعا تاۋارلاردى جەتكىزۋدىڭ لوگيستيكالىق مارشرۋتىن تەستىدەن وتكىزۋ. ءبىز نارىققا تەك استىق قانا ەمەس، ازىق- تۇلىك ونىمدەرىنىڭ باسقا دا تۇرلەرىن جەتكىزۋگە ءازىرمىز»، - دەدى قازاقپاراتقا بەرگەن سۇحباتىندا جۇماحانوۆ.
ونىڭ ايتۋىنشا، قازاقستان ءوز ءونىمىن ەكسپورتتاپ قانا قويمايدى، سونىمەن بىرگە ە ا ە و- عا مۇشە باسقا دا مەملەكەتتەردىڭ تاۋارلارىن «قازاقستان - ليانيۋنگان (ق ح ر) پورتى- ۆەتنام» كولىكتىك ءدالىزى ارقىلى ۆەتنامعا جانە وڭتۇستىك- شىعىس ازيا ەلدەرىنە جەتكىزەدى. «ءوڭىر حالقى 600 ميلليونعا جۋىق. سوندىقتان قازاقستاندىق بيزنەس ءۇشىن جاقسى پەرسپەكتيۆالار اشىلۋدا»، - دەپ تۇيىندەدى ءسوزىن ديپلومات.
