ءومىر بويىنا اباقتىعا قامالعان اقتوبەلىك لاڭكەستەر قاتەلىك جاساعاندارىنا وكىنىپ، ءدىن جولىنداعى جاستاردىڭ اداسپاۋىن سۇرايدى
جەلىدە الىبەك اقپانبەتوۆ، باقىت قۋانىشبايەۆ، اسحات راحمەتوۆ پەن ارسەن تاڭاتاروۆتىڭ قاتىسۋىمەن تۇسىرىلگەن شاعىن فيلم پايدا بولدى. وندا لاڭكەستىك بابى بويىنشا سوتتالىپ، ءومىر بويىنا اباقتىعا قامالعان الىبەك اقپانبەتوۆ جاساعان ىسىنە وكىنىپ، جاستاردى قاتەلەسپەۋگە شاقىرادى.
«ومىرىمدەگى ەڭ ۇلكەن قاتەلىك. قالاي بولعانىن ءوزىم دە بىلمەيمىن. ەموتسياعا بەرىلدىك پە، الدە سۋىمىزعا ءبىرنارسە قوستى ما، ءبىر اللا كۋا؟! ءبىر ايتارىم، ەشقايسىسىڭ قاتەلەسپەڭدەرشى. ءبىلىم الۋ كەرەك. بىزدىكى بىلىمسىزدىك بولدى.
بىرەۋدىڭ ايتقانىمەن جۇردىك. اناۋ بولمايدى، مىناۋ بولمايدى دەدىك. مىناۋ حارام دەسە، حارام، حالال دەسە، حالال دەدىك. بۇل دۇرىس ەمەس. باستىسى، مەشىتكە بارىپ، يمامداردان ءدارىس الۋ كەرەك. پايعامبارىمىز ءوزى قولعا مىلتىق الىپ، جۇگىرىڭدەر دەمەگەن. ۇرىپ- سوعىپ، ماجبۇرلەپ، ادامدى دىنگە شاقىرۋعا بولمايدى»، - دەيدى ول.
ال تاعى ءبىر سوتتالۋشى اسحات راحمەتوۆ ينتەرنەتتەگى ۆيدەولارعا سەنىپ، اداسقانىن ايتادى.
«YouTube جەلىسىنەن ساۋد شەيحتارىنىڭ ۆيدەوسىن قارادىم. الايدا ولاردىڭ راس- وتىرىك ەكەندىگىنە تەرەڭىرەك ۇڭىلگەن جوقپىن. كوزسىز سەنىپ، سونىڭ جولىمەن ءجۇردىم. جاستاردى ەڭ ءبىرىنشى اتا- اناسىن، جاقىندارىن تىڭداۋعا شاقىرامىن. ويتكەنى ەشبىر اتا- انا تۋعان پەرزەنتىنە جاماندىق تىلەمەيدى.
قازىر مەنىڭ انامنىڭ جاسى 50-دەن استى. ءۇي سالا باستاعان ەدىك. ءالى بىتكەن جوق. مەن وعان قامقور بولۋىم كەرەك ەدى. ول ماعان ورتا جانە جوعارى ءبىلىم الۋعا كومەكتەستى. 28 جاسىما دەيىن باعىپ- قاقتى. الايدا مەن ونىڭ قادىرىن بىلمەدىم. انا، مەنى كەشىر»، - دەيدى ول.
لاڭكەستىك وقيعانى جاساعانداردىڭ قاتىسۋىمەن تۇسىرىلگەن كەلەسى ءبىر بەينەروليكتە ولاردىڭ ءدىني ساۋاتتىلىعى تەكسەرىلدى. سوتتالۋشىلار ەلىمىزدە ەڭبەكتەرىنە تىيىم سالىنعان سالافيلىك ۋاعىزداۋشىلار ءدىلمۇرات ءابۋ مۇحاممادتىڭ، دارىن مۇباروۆتىڭ ۋاعىزدارىمەن تانىس ەكەندىكتەرىن ايتقان.
سونداي- اق ساۋد شەيحتارىنىڭ، ونىڭ ىشىندە ابۋ ۋمار ساسيتلينسكيدىڭ، سايد بۋرياتسكيدىڭ اۋديوجازبالارىن تىڭداعاندارىن جەتكىزدى.
