09:52, 04 - ناۋرىز 2017 | GMT +5
قىتاي پاۆيلونى «ەكسپو» كورمەسىندە ۇزدىكتەر قاتارىنان تابىلۋى مۇمكىن
استانا. قازاقپارات - قىتاي پاۆيلونى «ەكسپو» كورمەسىندە ۇزدىكتەر قاتارىنان تابىلۋى مۇمكىن. بۇل تۋرالى ۇلتتىق كومپانيا باسشىسى احمەتجان ەسىموۆ مالىمدەدى،
دەپ حابارلايدى 24.kz.
اتالمىش پورتالدا جاريالانعان مالىمەتتەرگە قاراعاندا، قىتاي - كۇللى الەم كوز تىككەن كورمەگە قاتىسۋدى رەسمي راستاعان العاشقى ەلدەردىڭ ءبىرى.
اسپان استى ەلىنىڭ «جاسىل» ەكونوميكا سالاسىندا باعىندىرعان جەتىستىكتەرى شاش- ەتەكتەن ەكەنىن اتاپ وتكەن ءجون.
ەلشى جاڭ حانحۋەي وتانداستارىنىڭ استانادا وتەتىن بۇل شاراعا ەرەكشە قىزىعۋشىلىق تانىتىپ وتىرعانىن العا تارتتى.
قىتاي ۇكىمەتى قازاقستانعا كەلۋشىلەرگە قاي تۇرعىدان دا قولداۋ كورسەتۋگە نيەتتى.
«ەكسپو» كورمەسىنىڭ اشىلۋىنا قىتاي حالىق رەسپۋبليكاسىنىڭ ءتوراعاسى شي جينپيڭ قاتىسپاق.
