اراي ايدارحان قىتايلىق كورەرمەندەردى ءتانتى ەتتى - فوتو، كەسكىن

استانا. قازاقپارات - قىتايداعى ۇلكەن مۋزىكالىق بايقاۋلاردا قازاق ءانىن شىرقاپ جۇرگەن قانداسىمىز اراي ايدارحان «تابيعي اۋەن» ۇلتتىق اندەر مۋزىكالىق رەالتي-شوۋىندا ونەر كورسەتۋدە، دەپ حابارلايدى قازاقپارات ءتىلشىسى.

بۇگىن اراي كورەرمەندەردى قازاقتىڭ «سامالتاۋ» انىمەن ءتانتى ەتتى. ءبىر ساعاتقا جەتپەي، ۆيدەونى جوبانىڭ sina weibo الەۋمەتتىك پاراقشاسىنان تاماشالاۋشىلاردىڭ سانى 10 مىڭنان استى. ايتا كەتەرلىگى، بۇل مۋزىكالىق جوباعا قىتايداعى اسا تانىمال باسقا ۇلت انشىلەرى دە شاقىرىلعان. اراي ايدارحان 1990-جىلى قىتايداعى قازاقتار شوعىرلانعان التاي ايماعى التاي قالاسىندا دۇنيەگە كەلگەن. بالا كەزىندە دزيۋدومەن اينالىسىپ، جاراقاتىنا بايلانىستى سپورتپەن قوش ايتىسقان.

2013-جىلى «Chinese Idol (中国梦之声)»، 2014-جىلى «Chian Is Listening(中国正在听)» ءان بايقاۋىندا بەسىنشى ورىننان كورىنىپ، ەرەكشە تالانتىمەن قىتايعا تانىمال بولعان. سونداي-اق، اراي قازاقستاندىق ءانشى ديماش قۇدايبەرگەن ونەر كورسەتىپ جاتقان «Singer 2017» جوباسىندا ديماشتىڭ مۋزىكالىق پروديۋسەرى بولىپ ءجۇر.

اۆتور: مۇحتار قاليموللا ۇلى