ەگيپەت سوتى ەلدىڭ ەكس-پرەزيدەنتى حوسني مۇباراكتى اقتادى
ءىستى تىڭداۋ بەيسەنبىدە كەشكە دەيىن جالعاستى. قورىتىندىسىندا سۋديا ءومىر بويى باس بوستاندىعىنان ايىرۋ جازاسى تاعايىندالعان بۇرىنعى پرەزيدەنتتى كىناسىز دەپ تاپتى. سونىمەن قاتار سوت شەرۋ كەزىندە قازا تاپقانداردىڭ تۋعان-تۋىستارىنىڭ ازاماتتىق قۋعىن بويىنشا ءىستى قايتا قوزعاۋ جونىندەگى وتىنىشتەرىن قابىلداعان جوق.
مۇباراك سوڭعى بىرنەشە جىلدان بەرى دەنساۋلىعى ناشارلاعاندىقتان گوسپيتالدا جاتىر. ءبىراق وسى سوت پروتسەسىنە ءوزى قاتىستى. سوتقا ونى تىكۇشاقپەن جەتكىزگەن. ەسكە سالا كەتسەك، مۋباراك 1981-2011-جىلدار ارالىعىندا ەگيپەت پرەزيدەنتى لاۋازىمىندا بولدى. ول 2011-جىلعى قىستا باستالعان ەلدەگى جاپپاي نارازىلىق سالدارىنان قىزمەتىمەن قوشتاسۋعا ءماجبۇر بولدى. قارسىلىق بىلدىرگەندەر ەلدە پرەزيدەنتتىڭ وتستاۆكاسىن جانە ەكونوميكالىق رەفورمانى تالاپ ەتتى.
اۆتور: ەرلان قوجاكەلديەۆ
