قازاقستاننىڭ بىرنەشە جانارماي بەكەتىندە بەنزين باعاسى قىمباتتاپ كەتتى

استانا. قازاقپارات - قازاقستاندىق كەيبىر جانارماي بەكەتتەرىندە بەنزين ماركالارىنىڭ باعاسى تاعى قىمباتتادى.

ماسەلەن، Sinooil جانارماي بەكەتتەرىندە اي-92 ماركالى بەنزين 140 تان 143 تەڭگەگە دەيىن قىمباتتاسا، اي-95 پەن اي 96 بەنزينى 155 تەڭگەگە ءوستى.

ال، Helios بەكەتتەرىندە اي-92 بەنزينى 140 تەڭگەدەن 142 تەڭگەگە دەيىن قىمباتتادى. اي-95 ماركاسى - 154 تەڭگەدەن، اي-95 Prime - 165 تەڭگەدەن، اي-98 بەنزينى 164 تەڭگەدەن ساتىلىپ جاتىر.

وسىلايشا، ەلىمىزدە سۇيىق وتىن باعاسىن قىمباتتاتپاي ۇستاپ وتىرعان جالعىز جانارماي بەكەتى قالدى، ول - Royal Petrol. مۇندا اي-92 بەنزينى 140 تەڭگەدەن ساتىلۋدا. ال، اي-95 - 155 تەڭگە، اي-98 - 165 تەڭگە.

ەسكە سالايىق، «قاز مۇناي گاز» مەن «لۋكويل» جانارماي بەكەتتەرىندە بەنزين باعالارى قىمباتتاعان بولاتىن.