ورالدا قاتاڭ رەجيمدەگى تۇرمەدە كوللەدج اشىلادى

استانا. قازاقپارات - ورالداعى قاتاڭ رەجيمدى تۇرمەدە كوللەدج اشىلادى، مۇندا جازاسىن وتەۋشىلەر دانەكەرلەۋشى مەن اعاش ۇستاسىنىڭ ءىسىن مەڭگەرىپ شىعادى، دەپ حابارلايدى www.uralskweek.kz.

كوللەدجدىڭ اشىلۋى 2017-جىلدىڭ قىركۇيەك ايىنا جوسپارلانعان، دەپ حابارلادى 170/3 ق م باستىعىنىڭ ورىنباسارى ۆاسيلي ۆيزگالين. «قازىر ءبىز ءبىلىم بەرۋ باسقارماسىمەن بىرىگىپ جۇمىس جاساۋدامىز، - دەدى ۆيزگالين. - ولار كوللەدجگە ۇستازداردى جىبەرسە، ءبىز - قاجەتتى ماتەريالدارمەن قاماتاماسىز ەتەمىز».

ۆيزگاليننىڭ سوزىنە قاراعاندا، كوللەدجدى اشۋعا ەشقانداي قوسىمشا قارجى جۇمسالماعان. سەبەبى، كولونيانى سالعان ۋاقىتتا كوللەدجدىڭ اشىلۋى قاراستىرىلعان ەكەن.

ەسكە سالا كەتەيىك، 900 ادامعا ارنالعان قاتاڭ رەجيمدەگى كولونيانىڭ ىرگەسى 2016-جىلى ورال قالاسىندا قالانعان ەدى. كولونيانىڭ قۇرىلىسى ءتۇرلى سەبەپتەرمەن 10 جىلعا سوزىلدى. 2016-جىلدىڭ سوڭىندا اتالمىش مەكەمەنى سالعان فيرمانىڭ بۇرىنعى باسشىسى رۋسلان شۋنايەۆ بيۋدجەتتىك قارجىنى جىمقىرعانىن مويىنداعان.