قازاقستان رەسەي بەنزينىنە تاۋەلدىلىكتەن قاشان ارىلادى
«ەڭ باستىسى وسى جىلدىڭ ەكىنشى جارتىجىلدىعىندا پاۆلودار مۇناي- حيميا زاۋىتىن جانە اتىراۋ مۇناي وڭدەۋ زاۋىتىن جاڭعىرتۋ جۇمىستارى اياقتالاتىن بولادى. ولاردا ءتيىستى قۇرال- جابدىقتار ىسكە قوسىلادى. بيىل بەنزين ءوندىرۋ كولەمىن ءبىرشاما ارتتىرامىز. ءبىراق شىمكەنت مۇناي وڭدەۋ زاۋىتىن جاڭعىرتىپ، قايتا ىسكە قوسۋ مەرزىمى 2018 -جىلدىڭ ءبىرىنشى جارتجىلدىعىنا جوسپارلانىپ وتىر. جالپى، ءۇش مۇناي زاۋىتىن جاڭعىرتۋ جۇمىستارى تەك كەلەسى جىلدىڭ ەكىنشى جارتىجىلدىعىندا بىتەدى»، - دەدى ول.
بوزىمبايەۆتىڭ ايتۋىنشا، سوندىقتان 2018 -جىلدىڭ ەكىنشى جارتىجىلدىعىنان باستاپ قانا ءۇش زاۋىت جاڭا رەجىمگە كوشىرىلەدى. ال 2019 -جىلى قازاقستان رەسەيدىڭ مۇناي كومپانيالارى ونىمدەرىنە تاۋەلدىلىكتەن ارىلىپ، ىشكى نارىقتى بەنزين، ديزەل وتىنى جانە اۆيا كەروسينمەن قامتاماسىز ەتەدى. سونىمەن بىرگە مۇناي ونىمدەرىنە دەربەس باعا بەلگىلەيتىن دە بولادى.
«دەگەنمەن، شەكارامىز اشىق. ماسەلەن، بىزدە جانار- جاعارماي باعاسى ارزان بولسا، وندا ەرتەڭ بەنزينىمىز، ديزەل وتىنىمىز جانە اۆيا كەروسينىمىز رەسەي نارىعىنا ءوتىپ كەتۋى مۇمكىن. سوندىقتان دا ءبىز 2018 -جىلى دا، 2019 -جىلى دا نارىقتاعى احۋالدى بايقاپ، ءتيىستى تالداۋلار جاساپ وتىرامىز. ارينە، جانار- جاعارماي باعاسى بويىنشا تاۋەلسىز بولامىز. ءبىراز، كورشى ەلدىڭ نارىعىنداعى احۋالعا بايلانىستى جۇمىس جۇرگىزەمىز»، - دەدى مينيستر.
اۆتور: مارلان جيەمباي
