اقتوبەلىك وزگە ۇلت وكىلدەرى قازاقستانعا جانە ونىڭ حالقىنا العىستارىن ءبىلدىردى-فوتو
دەپ حابارلايدى قازاقپارات ءتىلشىسى.
اقتوبەدەگى قازاقستان حالقى اسسامبلەياسى عيماراتىندا 18 ەتنومادەني ورتالىق بار. ءارقايسىسى ءوز ءتىلى مەن ونەرىن، مادەنيەتىن دامىتۋ جولىندا جۇمىس ىستەپ جاتىر. وڭىردە بولاتىن مادەني- تانىمدىق كەشتەرگە ۇزبەي قاتىساتىن بىرلەستىك وكىلدەرى بۇگىن «ورتاق تاعدىر! بەرەكەلى بىرلىك! شەكسىز العىس!» اتتى مەرەكەلىك شارا وتكىزدى.
وعان وبلىس اكىمى بەردىبەك ساپاربايەۆ، قالا اكىمى ءىلياس يسپانوۆ پەن قازاقستانعا، سونىڭ ىشىندە اقتوبەگە قونىس اۋدارعان ءتۇرلى ۇلت وكىلدەرى قاتىستى.
«مەن 1969 -جىلى اقتوبەگە قونىس اۋداردىم. بۇل جەردەگى حالىق مەنى قۇشاق جايا قارسى الىپ، بار ءتاتتىسىن توستى. بۇل تاريح. 30-40 -جىلدارى قازاق جەرىنە قونىس اۋدارعاندار كوپ بولدى. ونىڭ ىشىندە ازەربايجاندار دا بار. ونداعان مىڭ ازەربايجاندىق بالا- شاعاسىمەن تۋعان جەرىنەن قۋىلىپ، قازاق جەرىنە كەلدى. بۇل كەزدە قازاق حالقىنىڭ باسىنان قيىن كۇندەر ءوتىپ جاتقان بولاتىن. اشارشىلىق، قۋعىن- سۇرگىن مەن سوعىستى باستان وتكەردى. ءبىراق ولار ءبىزدى قاباق شىتپاي قارسى الىپ، باۋىرىنا باستى. وسى ءۇشىن مىڭ العىس ايتامىز. مەن ءوز وتانىما، ەلىمە، حالقىما العىسىمدى ءبىلدىرىپ، باس يەمىن»، - دەدى «ازەربايجان قاۋىمداستىعى» رەسپۋبليكالىق قوعامدىق بىرلەستىگىنىڭ اقتوبەدەگى بولىمشەسىنىڭ ءتوراعاسى شاحباز جامالوۆ.
ايتا كەتەيىك، اقتوبەدەگى بارلىق ەتنو- مادەني بىرلەستىكتىڭ جەكسەنبىلىك مەكتەبى بار. مۇندا كەلۋشىلەر مەملەكەتتىك انا ءتىلىن ۇيرەنىپ، ۆوكال، بي ۇيىرمەلەرىنە قاتىسادى. مەرەكەلىك شارا اياسىندا «قازاقستانعا جول» اتتى تاريحي كورمە ۇيىمداستىرىلدى. ءار ۇلتتىڭ تاريحى مەن تىنىس- تىرشىلىگىنەن سىر شەرتەتىن بۇيىمدار مەن باسىلىمدار قويىلدى.
اۆتور: التىناي ساعىندىقوۆا
