بۇگىن قاراپايىم قازاق وتباسىلارىن ۇلىقتايتىن كۇن - داريعا نازاربايەۆا
«بۇگىن ءبارىمىز وتە ءبىر قۋانىشتى، شۋاقتى شارانىڭ كۋاسى بولىپ تۇرمىز. بۇگىن ءبىر- ءبىرىمىزدى قۋانتىپ، العىس ايتامىز. جالپى، ومىردە الىنبايتىن قامال جوق... ەشقاشان كەرى شەگىنبەي، مۇڭايماۋ كەرەك. دەمەۋ بولاتىن سىزدەردە - ءبىز، بىزدە - سىزدەر بارسىزدار. جانە ءبىر- ءبىرىمىزدى دەمەپ جۇرگەن كەزدە، ەشقانداي قيىندىقتان قورىقپايىق»، - دەدى داريعا نازاربايەۆا بالالار اۋىلىندا تاربيە الىپ جاتقان بۇلدىرشىندەردى قۇشاعىنا باسا وتىرىپ.
«بۇگىن ءبىزدىڭ - وتە ۇلى، ۇلتتىق مەرەكەمىز. بۇگىن - العىس ايتۋ كۇنى. وسىدان كوپ جىلدار بۇرىن جەر اۋىپ كەلگەن قانشاما وزگە ۇلت وكىلدەرىن كەڭ دالامىزدىڭ باۋىرىنا باسقان قاراپايىم قازاق وتباسىلارىنىڭ ەرلىگىن، ەسىمىن ەسكە الاتىن، ماڭگىگە ساقتايتىن مەرەكە. ول وتباسىلار قازاق جەرىن مەكەن ەتتى، باقىتىن تاپتى. سوندىقتان، كەزىندە ولاردى قۇتقارعان قازاق وتباسىلارىنا العىس ايتاتىن كۇن. پرەزيدەنتىمىز سوندىقتان دا وسى مەرەكەنى بەكىتتى. مەن دە سىزدەردى وسى العىس ايتۋ كۇنىمەن شىن جۇرەكتەن قۇتتىقتايمىن»، - دەدى داريعا نازاربايەۆا.
اۆتور: كەنجەكەي توقتامۇرات قىزى
