ديماش قۇدايبەرگەن بايقاۋدىڭ كەلەسى كەزەڭىندە قىتايشا ءان ايتادى
سەگىزىنشى كەزەڭنىڭ ءتۇسىرىلىم جۇمىستارى ەرتەڭ باستالادى. بۇگىن بايقاۋعا قاتىسۋشىلار Sina weibo الەۋمەتتىك جەلىسىندە وزدەرىنىڭ كەلەسى كەزەڭدە شىرقايتىن اندەرىن ايتىپ، جاتتىعۋ جاساعاندارىن جازۋدا.
وتانداسىمىز بۇل كەزەڭدە قىتايلىق تانىمال ءانشى حان حۋننىڭ «تاڭ اتتى» ءانىن ورىنداماقشى. ايتا كەتەرلىگى، حان حۋن «I am singer» بايقاۋىنىڭ ءۇشىنشى ماۋسىمىنىڭ جەڭىمپازى. ول جوبانىڭ ءبىرىنشى كەزەڭىندە ءوزىنىڭ «تاڭ اتتى» ءانىن شىرقاپ، ءبىرىنشى ورىننان كورىنگەن. ديماش قىتايلىق ب ا ق- تارعا بەرگەن سۇحباتىندا حان حۋندى جاقسى بىلەتىنىن، سونداي اق، ونىڭ اندەرىن جاقسى كورەتىنىن ايتقان بولاتىن. وتانداسىمىز بۇل ءاندى «I am singer» جوباسىنا قاتىسپاي تۇرىپ ورىنداعان ەدى.
ەسكە سالا كەتەيىك، جوبانىڭ جەتىنشى كەزەڭى 4 - ناۋرىز كۇنى ەفيردەن كورسەتىلەدى. بۇل كەزەڭدە ديماش قازاقتىڭ «دايديداۋ» انىمەن ءۇشىنشى ورىندى يەلەندى.
اۆتور: مۇحتار قاليموللا ۇلى
