العىس ايتۋ كۇنى - قازاقستان حالقىنىڭ ىنتىماعىنىڭ كۇنى
قازاقستان حالقى اسسامبلەياسى وسى مەرەكەگە قاتىستى ۇندەۋ جاريالادى. قازاقپارات ح ا ا قۇجاتتىڭ تولىق ءماتىنىن ۇسىنادى.
قازاقستان حالقى اسسامبلەياسى كەڭەسىنىڭ ۇندەۋى قۇرمەتتى وتانداستار!
1 -ناۋرىز كۇنى ءبىز جالپى حالىقتىق مەرەكە - العىس ايتۋ كۇنىن اتاپ وتۋدەمىز. بۇل مەرەكە ءبىزدىڭ ورتاق تاريحىمىزدىڭ سيمۆولى، قازاقستان حالقىنىڭ جالپىۇلتتىق بىرلىگىنىڭ، قۇرمەتى مەن ىنتىماعىنىڭ كۇنى. بۇل - ۇلى دالا ەلىنىڭ ۇلاعاتتى وتكەنىنە تاعزىم، ماڭگىلىك ەلدىڭ بۇگىنىنە جانە بولاشاعى ءبىرتۇتاس ەلدىڭ ەرتەڭىنە دەگەن نىق سەنىم. ەلباسى نۇرسۇلتان ءابىش ۇلى نازاربايەۆتىڭ باستاماسىمەن بەكىتىلگەن العىس ايتۋ كۇنى - بەيبىتشىلىك پەن كەلىسىمنىڭ پرەزيدەنتتىك ساياساتىنىڭ جارقىن كورىنىسىنە اينالدى.
مەملەكەت باسشىسىنىڭ سىندارلى ساياساتىنىڭ ارقاسىندا ەل ىشىندە قالىپتاسقان ءوزارا تۇسىنىستىك پەن ءبىر- بىرىنە قولداۋ كورسەتۋ ءبىزدىڭ ەلىمىزدىڭ، ءبىزدىڭ قازاقستاندىق ۇلكەن وتباسىنىڭ رۋحاني قاعيداتى بولىپ قالىپتاستى. بۇگىن ءبىز، ميلليونداعان ادامداردىڭ ءوز ۇلتتىق ەرەكشەلىكتەرىن ساقتاپ، باقىتىن تاپقان وتانىنا اينالعان كيەلى قازاق جەرىنە، قايىرىمدىلىعى مەن كەڭپەيىلدىگى، دانالىعى مەن قوناقجايلىعى ءۇشىن قازاق حالقىنا العىس ايتامىز.
قيىن- قىستاۋ جاعدايدا ءبىر- بىرىنە قول ۇشىن سوزىپ، يىق تىرەپ كومەك كورسەتۋ - دالا حالقى ءۇشىن جازىلماعان زاڭ. مۇنداي دۇنيەتانىمنىڭ نەگىزىندە ادامعا دەگەن شىنايى قۇرمەت قالىپتاسقان. وتانىمىزدىڭ تاريحى مەن جيناقتاعان تاجىريبەسىنەن اسقاق گۋمانيزمنىڭ، ادال نيەت پەن شىنايى ريزاشىلىقتىڭ مىڭداعان دالەلدەرىن كورۋگە بولادى. كوپتەگەن جىلدار بويى ميلليونداعان تاعدىرلاردىڭ توعىسۋى، جۇزدەگەن ەتنوستاردىڭ ءوزارا ارالاسۋى، داستۇرلەرى مەن ومىرلىك ۇستانىمدارىنىڭ ۇشتاسۋى دارا كوشباسشىمىزدىڭ جەتەكشىلىگىمەن، قايتالانباس رۋحاني جانە بىرەگەي مادەنيەتى قالىپتاسقان ۇلت بولىپ ۇيىسىپ، بولاتتاي بەرىك بىرلىگى بار ەڭسەلى ەل بولۋىمىزعا نەگىز قالادى.
بۇل - قازاقستاننىڭ تاۋەلسىزدىك جىلدارى قول جەتكىزگەن بارلىق جەتىستىكتەرىن ايقىنداپ، ءۇشىنشى جاڭعىرۋدىڭ مىندەتتەرىن ابىرويمەن ورىنداۋعا بەرىك ىرگەتاس بولىپ وتىر. العىس ايتۋ كۇنى، قازاقستان حالقىنا ءتان اسىل قاسيەتتەر - پاتريوتيزم، ابىروي مەن ادىلدىك، قۇرمەتتەۋ مەن ىزگىلىك قوسىمشا سەرپىن الادى. بۇل كۇنى ءبىز، اتا-بابالارىمىزدى ريزاشىلىقپەن ەسكە الامىز، اتا- انالارىمىزعا، مۇعالىمدەرىمىزگە، زەينەتكەرلەرگە، ارداگەرلەرگە، ءبىر- بىرىمىزگە العىس ايتىپ، حالقىمىزدىڭ قايىرىمدىلىق داستۇرلەرىن جالعاستىرامىز.
ءبىز، بۇگىن، اشارشىلىق پەن قۋعىن- سۇرگىن جىلدارى جازىقسىز جاپا شەككەن قازاق حالقىنىڭ ۇلدارى مەن قىزدارىنا پانا بولعان ەلدەرگە شەكسىز ريزاشىلىعىمىزدى بىلدىرەمىز! ءبىزدىڭ العىسىمىز بەن دوستىعىمىزدى قابىل الىڭىزدار! ءبىز، 1 -ناۋرىزدا - قوعامدىق كەلىسىم مەن جالپىۇلتتىق بىرلىكتى نىعايتۋدىڭ ىرگەتاسى، ۇلت كوشباسشىسى باسقاراتىن قازاقستان حالقى اسسامبلەياسىنىڭ قۇرىلعان كۇنىن اتاپ وتەمىز. حالىقتىق اسسامبلەيا وتكەن 22 جىلدا بارلىق 18 ميلليون قازاقستاندىقتى جالپى ازاماتتىق تۇعىرناماعا توپتاستىردى. بۇگىنگى تاڭدا، قازاقستاننىڭ بارشا حالقى قازاقستان حالقى اسسامبلەياسىنىڭ ءتوراعاسى، ەلىمىزدىڭ تۇڭعىش پرەزيدەنتى - نۇرسۇلتان ءابىش ۇلى نازاربايەۆقا ەلدەگى بەيبىتشىلىك، تىنىشتىق، تۇراقتىلىق پەن بولاشاققا دەگەن سەنىم ءۇشىن اسقان ريزاشىلىقپەن ىستىق ىقىلاسىن بىلدىرەدى.
ءبىز ەلباسىن، قازاقستان حالقىن العىس ايتۋ كۇنىمەن، قازاقستان حالقى اسسامبلەياسىنىڭ قۇرىلعان كۇنىمەن قۇتتىقتايمىز، ورتاق ۇيىمىزدەگى بەيبىتشىلىك پەن كەلىسىم ءۇشىن بارشاڭىزعا ريزاشىلىعىمىزدى بىلدىرەمىز. ءبىز، تاريحي زەردەنى ساقتاۋ جانە ءبىزدىڭ جالپىۇلتتىق قۇندىلىقتارىمىزدى ەسەلەۋ ارقىلى عانا، ءبىزدىڭ ورتاق ماقساتىمىز - تۇراقتى، گۇلدەنگەن جانە وركەندەگەن قازاقستاندى قۇراتىنىمىزعا سەنىمدىمىز!
***
ەسكە سالا كەتسەك، 2016 -جىلعى 14 -قاڭتاردا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ قازاقستان حالقى اسسامبلەياسىنىڭ قۇرىلعان كۇنى - 1 -ناۋرىزدى ەلىمىزدە العىس ايتۋ كۇنى دەپ جاريالاپ، № 173-جارلىققا قول قويعان بولاتىن.
