16:45, 28 - اقپان 2017 | GMT +5
قازاقستانداعى قار باسقان اۋىلدىڭ سۋرەتى شەتەلدىك ب ا ق بەتتەرىندە جاريالاندى
استانا. قازاقپارات - شىعىس قازاقستان وبلىسىنىڭ پريرەچنوە اۋىلىنداعى قاردان قازىلعان توننەلدەر شەتەلدىكتەردى تاڭعالدىردى.
Strangesounds باسىلىمى قالىڭ قار جامىلعىسىن «اق اپوكاليپسيس» دەپ اتادى.
قازگيدرومەت حابارلاعانداي، قار جامىلعىسىنىڭ بيىكتىگى وتكەن اپتادا ءبىر تاۋلىكتىڭ ىشىندە 30 س م جەتكەن. وبلىستا اقپان ايىندا بوران بولىپ، ۇيلەردىڭ شاتىرىنا دەيىن قار باسىپ قالعان. جوعارىدان تەك ءتۇتىن بۋداقتاعان مۇرجالار عانا كورىنەدى. اۋىل تۇرعىندارى كوشەگە شىعۋ ءۇشىن ۇيدەن توننەلدەر جاساۋعا ءماجبۇر بولعان. اۋىلداعى ادامدار ۇيلەردىڭ شاتىرلارى ارقىلى سەرۋەندەۋدە.
