قازاقستان مەن قىتاي بىرلەسكەن ينۆەستجوبالاردى جۇزەگە اسىرۋ جولدارىن كەلىستى
كەزدەسۋ ق ر ينۆەستيتسيالار جانە دامۋ ۆيتسە-ءمينيسترى ەرلان قايىروۆتىڭ جانە ق ح ر دامۋ ىستەرى جانە رەفورمالار ءتوراعاسىنىڭ ورىنباسارى نين جيچجەنىڭ توراعالىعىمەن وتەدى.
ەسكە سالا كەتسەك، قازاقستاننىڭ ينۆەستيتسيالار جانە دامۋ ءمينيسترى جەڭىس قاسىمبەكتىڭ قىتايعا جۇمىس ساپارى اياقتالدى. ساپار قورىتىندىسى بويىنشا جۋرناليستەرگە سۇحبات بەرۋ بارىسىندا مينيستر الداعى 5 جىل كولەمىندە قازاقستان مەن قىتاي قۇنى 25-30 ميلليارد دوللاردان اساتىن 50 دەن استام قازاقستاندىق- قىتايلىق بىرلەسكەن جوبانى جۇزەگە اسىرۋدى جوسپارلاپ وتىرعانىن حابارلادى.
بۇل جۇمىس وڭدەۋ سالاسىندا شىعارىلاتىن ءونىم كولەمىن ايتارلىقتاي ارتتىرۋعا مۇمكىندىك بەرەدى. «بارلىق جوبالار بارىنشا بەلسەندى جۇزەگە اسىرىلۋدا. ءبىز بيىل جانە كەلەسى جىلى ەڭ ءىرى دەگەن جوبالاردى جۇزەگە اسىرۋدى باستايمىز دەگەن ويدامىز»، - دەپ اتاپ ءوتتى ج. قاسىمبەك.
