عاسىر سوڭىندا جەردەگى جانۋارلاردىڭ جارتىسىنىڭ كوزى جويىلادى
مامانداردىڭ دەرەگى بويىنشا قازىرگى تاڭدا بەس ءتۇرلى جانۋاردىڭ ءبىر ءتۇرى جويىلۋ ۇستىندە تۇر. عالىمدار ەسكەرتكەندەي، وسىنداي قاۋىپ زاماناۋي تەحنوگەندى وركەنيەتتىڭ سالدارىنان ورىن العان. ول تەك جەر رەسۋرستارىن پايدالانىپ، ورنىنا ەشقانداي پايدا اكەلمەستەن ەكوجۇيەنى جويۋدا.
مىسال رەتىندە ولار قورىقتار ورنالاسقان جەرلەردەگى سيرەك مەتالداردى ءوندىرۋدى، مارجان ريفتەرىن جويۋدى، براكونەرلەردى اتاپ ءوتتى. كونفەرەنسياداعى باستى بايانداماشى رەتىندە ستەندفورد ۋنيۆەرسيتەتىنىڭ بيولوگى پول ەرليح مالىمدەمە جاسادى. ونىڭ بولجامىنشا، ەگەر جاعدايدى باقىلاۋعا الماسا، عاسىر سوڭىندا جەردەگى حالىق سانى 12 ميلليارد ادامعا جەتكەندە بارلىق وركەنيەت قۇردىمعا كەتەدى. «ۆاتيكان كونفەرەنسيا وتكىزۋدى ءوز موينىنا الدى، دەمەك بۇل دەگەنىمىز - جەردى ساقتاپ قالۋ ماسەلەسىندە ءدىن مەن عىلىم اراسىنداعى الاۋىزدىق جويىلدى دەگەن ءسوز»، - دەپ اتاپ ءوتتى ءىس- شارانىڭ ۇيىمداستىرۋشىسى ەكونوميست سەر پارت.
