ماقپال ءجۇنىسوۆا: اتا- اناسىنا بالا ديماشتى قيناپ تويدان- تويعا سۇيرەي بەرمەڭدەر دەگەم
ءتىپتى بىردە ونىڭ اتا- اناسىن تويدا كورىپ قالعان ءانشى اقىلىن دا اياماپتى. بۇل تۋرالى ءانشى Stan.kz تىلشىسىنە بەرگەن سۇحباتىندا ايتتى.
«العاش رەت ديماشتى اقتوبەدەگى تويلاردىڭ بىرىندە كورىپ قالدىم. اكە- شەشەسى ءان ايتقىزىپ ءجۇر ەكەن. جاسىن سۇراستىرسام، ەندى 15 كە تولىپتى. سودان سۆەتا مەن قاناتقا «ديماش وتپەلى كەزەڭدە ەكەن. بالانىڭ داۋسىن كۇتۋ كەرەك. قيناپ، كۇش سالۋعا تۋرا كەلەتىن اندەردى ورىنداتپاڭدار» دەپ ايتقانىم» ، بار. ديماش تۋعاننان ءاننىڭ نە ەكەنىن، مۋزىكانى كورىپ وسكەن بالا عوي» ، - دەيدى ءانشى.
ماقپال ءجۇنىسوۆا قىتايداعى بايقاۋدان كەيىن ديماشتى بارشا حالىق تانىپ، ونەرىنە قىزىعاتىندار سانى كوبەيگەنىنە ءدان ريزا.
«ديماش راسىمەن دە وتە تالانتتى. تابيعي ەرەكشە داۋىس يەسى. ءارى ونى كليپ ءتۇسىرىپ، ەفيرلەردەن شىقپاي ءجۇرىپ ەمەس حالىقارالىق جارىستا الەم مىقتىلارىنا مويىنداتتى. ەرلىك. ديماشتىڭ بۇل جەڭىسى اكە- شەشەسىنىڭ، ءوزىنىڭ تالماي، قاجىماي ەتكەن ەڭبەگىنىڭ جەمىسى» ، - دەدى ءانشى.
