07:08, 27 - اقپان 2017 | GMT +5
قىتاي زووباعىندا جولبارىستار ۇشىپ جۇرگەن دروندى قاعىپ ءتۇستى - كەسكىن
استانا. قازاقپارات - قىتاي زووباعىندا اسا سەمىرىپ كەتكەن امۋر جولبارىستارى درونعا شابۋىل جاسادى، ءبىر قۇرىلعىعا ايتارلىقتاي نۇقسان كەلدى.
CCTV قىتايلىق تەلەارناسى جاريالاعان ۆيدەودا كورسەتىلگەندەي، وقيعا قىتايدىڭ حاربين قالاسىنداعى جولبارىستارعا ارنالعان زووباقتا بولعان. مۇندا ءسىبىر جولبارىسى دەگەن اتپەن تانىمال 800 اڭ ءومىر سۇرەدى. الايدا Motherboard باسىلىمى ءتۇسىرىلىمنىڭ زووباقتا ەمەس، جولبارىستىڭ قۇندى تەرىسىن ساتۋمەن اينالىساتىن كونترابانداشىلاردىڭ جولبارىس فەرماسىندا ءتۇسىرىلۋى دە مۇمكىن ەكەنىن جازدى. باسىلىم دەرەكتەرىنە سايكەس، قىتايدا شامامەن 200 گە جۋىق جولبارىس فەرماسى بار، ال ەلدەگى ەركىن جۇرگەن جولبارىستار سانى 20 عا جەتپەيدى. قىتاي جولبارىستىڭ سۇيەگى مەن دەنە مۇشەلەرىن ساتۋعا 1993 -جىلى تىيىم سالدى.
