قوش بول، ساپپورو! ازيادا ويىندارىنىڭ سالتاناتتى جابىلۋ ءراسىمى ءوتتى - فوتو

ساپپورو. قازاقپارات - بۇگىن جاپونيانىڭ ساپپورو قالاسىندا ءوتىپ جاتقان Ⅷقىسقى ازيادا ويىندارى ءوز مارەسىنە جەتىپ، رەسمي تۇردە جابىلۋ ءراسىمى ءوتتى دەپ حابارلايدى ساپپوروداعى قازاقپارات ءتىلشىسى.

 جالپى قازاقستاندىقتار ءۇشىن ازيادا ويىندارى ءساتتى اياقتالدى. قورجىنىمىزعا جالپى 32 مەدال ءتۇستى. ونىڭ 9 ى التىن، 11 ءى كۇمىس، 12 ءسى قولا مەدال.

جالپى كوماندالىق ەسەپتە جاپونيا، وڭتۇستىك كورەيا جانە قىتايدان كەيىن ءتورتىنشى ورىندا جايعاستىق.

بۇگىن ازيادادا ونەر كورسەتكەن سپورتشىلارىمىز ساپپورودان ەلگە اتتانادى.

ەستەرىڭىزگە سالا كەتەيىك، جالپى ەسەپتە ءبىرىنشى ورىندى ازيادا ويىندارىن ۇيىمداستىرعان جاپونيا ەلىنىڭ وكىلدەرى جەڭىپ الدى. ولاردىڭ ەنشىسىندە 74 مەدال (27 التىن 21 كۇمىس، 26 قولا) بار. ەكىنشى ورىندى وڭتۇستىك كورەيا سپورتشىلارى قانجىعاسىنا بايلادى. ولاردىڭ قورجىنىندا 50 مەدال (16 التىن، 18 كۇمىس، 16 قولا) بار.

ال ۇزدىك ۇشتىكتەن كورىنگەن قىتاي ەلىنىڭ قورجىنىندا جالپى 33 مەدال (12 التىن، 14 كۇمىس، 9 قولا) بار. ال مەدال العان ەلدەر اراسىندا جاپونيا، وڭتۇستىك كورەيا، قىتاي جانە قازاقستاننان بولەك ءبىر مەملەكەت بار. ول سولتۇستىك كورەيا. ولاردىڭ ەنشىسىندە جالعىز قولا مەدال.

جالپى VIII قىسقى ازيادا ويىندارىنا 29 مەملەكەت سپورتشىلارى 64 مەدالدار جيىنتىعىن ساراپقا سالدى.

 

  اۆتور: كۇنسۇلتان وتارباي