ديماش قۇدايبەرگەننىڭ ورىنداعان ءانى قىتايلىقتاردى قاتتى تولقىتتى - كەسكىن

استانا. قازاقپارات - حۋنان تەلەارناسىنىڭ «Singer-2017» ءان بايقاۋىنىڭ التىنشى كەزەڭى ەفيردەن كورسەتىلدى.

بايقاۋدا ونەر كورسەتىپ جاتقان وتانداسىمىز ديماش قۇدايبەرگەن الەمگە تانىمال ءانشى لارا فابياننىڭ رەپەرتۋارىنان «Adagio» ءانىن شىرقاپ، ءبىرىنشى ورىن الدى.

ايتا كەتەرلىگى، اتالمىش جوبادا جاقسى ونەر كورسەتكەن تان تسين بۇل ونەر باسەكەسىنەن كەتكەنىن حابارلادى. بۇعان ناقتى نە سەبەپ بولعانى ازىرگە بەلگىسىز. ول 1998 -جىلعى ازيا داۋىسىندا ءۇشىنشى ورىن العان. سونداي-اق، بەيجىڭ وليمپياداسىنىڭ اشىلۋ سالتاناتىندا ءان شىرقاعان ەدى. التىنشى كەزەڭنىڭ قورىتىندىسى بويىنشا گونكونگتىق ءانشى Sandy باس ەكىنشى ورىندى ەنشىلەدى.

ەسكە سالا كەتەيىك، ديماش جەتىنشى كەزەڭدە قازاقتىڭ حالىق ءانى «دايديداۋدى» ايتىپ، ءۇشىنشى ورىن العانىن حابارلاعان بولاتىنبىز. بۇل كەزەڭ ەفيردەن 4 -ناۋرىزدا كورسەتىلەدى.

اۆتور: مۇحتار قاليموللا ۇلى